Соңғы жаңалықтар
Соңғы жаңалықтар

ҰБТ-ны қайта тапсырудың құны белгілі болды

2016 жылы бітірушілер ҰБТ-ны белгіленген мерзімде 1-15 маусым аралығында тапсырады, деп хабарлады ҚР Білім және ғылым министрлігінің баспасөз қызметінен.

тестілеуууу

Бұл туралы Қазақпарат хабарлайды.

Шекті деңгейді жинай алмаған бітірушілер үшін ағымдағы жылдың тамыз айында барлық облыс орталықтары мен Астана және Алматы қалаларында орналасқан базалық жоғары оқу орындарында тестілеуді қайта тапсыру мүмкіндігі беріледі.

ҰБТ-ны қайта тапсыруға болатын жоғары оқу орындарының тізімі Білім және ғылым министрлігі тарапынан айқындалады. Шекті деңгейді жинай алмаған бітірушілер тестілеуді төрт пән бойынша қайта тапсырады: оқыту тілі, Қазақстан тарихы, математика және таңдау пәнінен (бейінді).

Тестілеуді екінші рет тапсыру үшін талапкерге тек тұрғылықты жер бойынша жақын орналасқан базалық ЖОО-ға өтініш, 3х4 көлемдегі 4 сурет, және орта мектепті немесе ТжКО-ны бітіргендігі туралы құжаттар тапсыру қажет.

Қайта тестілеу рәсімінің құны 2242 теңгені құрайды.

Бұған дейін мектеп түлектеріне ҰБТ-ны қайта тапсыру мүмкіндігі берілетіні жайлы жазған болатынбыз. Ол кезде  қайта тестілеудің ережесі мен құжаттары, ақысы белгісіз болатын.

 

Талқылау