Соңғы жаңалықтар
Соңғы жаңалықтар

Төреғали Төреәлінің не себепті тойларға оққағармен баратыны белгілі болды (фото, видео)

Әнші Төреғали Төреәлі  кеше ғана белгілі ақын әрі жазушы Бейбіт Сарыбайдың тойына шақыртылыпты.  Той ақының әкесі Шегебай ақсақалдың 70 жасқа толу құрметіне ұйымдастырылған.

Төреғали Төреәлінің не себепті тойларға оққағармен баратыны белгілі болды

Салтанатты кеш Алматы маңындағы үлкен мейрамханалардың бірінде болды,-деп жазды  тойға барған Stan.kz сайтының тілшісі.

Бейбіт Сарыбайдың жазған әндерін бүгінде көптеген танымал әншілер орындайды. Солардың ішінде Төреғали Төреәлі де бар. Мерейтойға келген  әншілердің ішінде Төреғали ерекшеленіп тұрды. Себебі, ол өзгелер сияқты көмекшісімен ғана емес, оққағарын да жанына ертіп жүретін болыпты.

Төреғали ән салған кезде оққағары оны қаумалаған жұрттан қорғап тұрады екен.  Тойшыл қауым енді бұрыңғыдай әншіні құшақтап, қолынан ұстап өзі қалағандай суретке түсе алмайды. Оққағарының жұмысына қарап тұрып, әншіге әсіресе ер азаматтар қатты жақындамауы керек екенін түсінуге болады.

Оққағардың тағы бір жұмысы, тойды әуенмен қамтамасыз етіп отырған жігіттердің алдындағы өз адамдарымен байланыс ұстап тұру. Мысалы, әншінің келесі орындайтын әнінің дискідегі номерін қолымен көрсетіп тұрады.

Тойға келген қонақтардың көпшілігі билеп жүріп, бұл жағдайды айтарлықтай байқамауы да мүмкін. Ал суретке түсемін деп, тәртібіне байланысты  оққағардан ескерту алғандар  мұндайды күтпесе керек. Қара киімді, денелі жігітке таңдана қарап жатты.

Талқылау