Төреғали “91” тобын неліктен ұнатпайтынын өлеңмен жеткізді

Ақын әрі әнші Төреғали Төреәлі “91” тобын не үшін ұнатпайтынын өлеңдете отырып жеткізді. Әнші Инстаграм парақшасына ағасы ақын Ринатпен ортақ ойлы екендерін жеткізген. Сондай-ақ топты сынаған  Ринат Зайытовқа алғысын айта отырып, өздері көтерген мәселенің маңыздылығына тоқталған.

Жақсыны жақсы демеу жаман əдет, Жəй ғана айтып қоймай, бағалап өт. Қазақ үшін өлмесін, өмір сүрсін, Алғысым бар Ринаттай ағама көп. Ол 91 тобының дұшпаны емес, Ұрпақ үшін біз тілін қадаған ед. Олар дұшпан болардай теңі де емес, Ерболат түк түсінбей, салады əлек! Шашын бояп, құлаққа сырға тақпай, Дұрыс жүрсе өнерін бағалар ек. Шешінбесе білмейсің ұл екенін, Олардан он есе артық “камана бет”. Дəстүрге илікпесе, тым құрыса, Топ атын өзгертуін қалаған ек. Қазаққа тəуелсіздік əкелген жыл, “91” деген аттан садаға кет !!!

Фото опубликовано Төреғали Төреәлi (@toregalitoreali) Мар 12 2016 в 8:41 PST

Бұл туралы stan.kz  сайты хабарлайды.

Не бәрі бірнеше минуттың ішінде Төреғали Төреәлінің жазбасына пікір білдіргендер саны арта түскен. Бірі ақындарды қолдап “91” тобын құрту керек десе, тағы бір тарап олардың өз тыңдармандары бар екенін еске салды. Ал үшінші топ “Қазақтың жігіттері бірін-бірі масқаралап, әйелдерше айтысқаны ұят. Ақылдарың болса өзара сөйлесіп айтыңдар. Елдің алдына шығып көтеретін мәселе бұл емес” деген.