РFAS суға және майға төзімділігінің арқасында көптеген тұрмыстық өнімдерде қолданылады. Сонымен қатар, олар улы қасиеттеріне байланысты адам денсаулығына қауіпті. Олар иммундық жүйені тежей отырып, жануарлар мен адамның биологиялық тіндеріне жинақталуы мүмкін. Сөйтіп, ол бүйрек пен аналық бездің қатерлі ісігін тудырып, бедеулік және балалар мен ересектердің көптеген ауруларға шалдығу қаупін арттырады.

Бұл заттың қауіптілігін ескере отырып, ғалымдар әртүрлі тұрмыстық тауарларды пайдаланудың және ағзасынан PFAS-тың алты түрі табылған орта жастағы 178 әйелдің өзара байланысын зерттеді. Олардың жартысы афроамерикалық әйелдер болды. Сөйтіп ғалымдар қан үлгілері 2010-2013 жылдары алынған және 2015-2016 жылдары олардың өздерінің өмір салты туралы айтып берген сауалнамалары негізінде зерттеу жүргізді.

Ал тәжірибе барысында африка-американдық қатысушылардың қанында перфтороктан және перфторгексан сульфон қышқылы сияқты заттардың концентрациясы басқа еріктілердікіне қарағанда төмен екені анықталды. Сонымен қатар, PFAS-мен қапталған картон контейнерлерден тағам тұтыну осы топтағылардың ағзасында құрамында төрт түрлі фтор бар заттардың көп болып шыққанын көрсетті.

Сондай-ақ, ластанудың тағы бір көзі – құрамында фторы бар химиялық заттарды жабынды ретінде қолданатын бірнеше өндірушілердің тіс пастасы болмақ. Бірақ, ғалымдар тіс жібін пайдаланудың денсаулыққа қатысты қиындықтарға байланысы бар ма, жоқ па білмей отыр.

Stan.kz сайтын Telegram арқылы оқыңыз. Арнамызға жазылыңыз.

Талқылау