Танымал қазақстандық тележүргізуші 42 жасында отбасын құрды

Танымал қазақстандық тележүргізуші Асқар Меңдібаев бойдақтық өмірмен қош айтысты, деп жазады Stan.kz ақпараттық агенттігі.

Күнделікті эфирге шығып, көрермендердің көзайымына айналған 31 арнаның тележүргізушісі 42 жасында отбасын құрып отыр. Меңдібаевтың жарының есімі – Айым.  Ол да 31-ші арнада қызмет атқарады екен. Осылайша, бүгін 31-ші телеарнаның екі департаменті ресми түрде құда болған.

Әлеуметтік желіде жарияланған суреттерге қарасақ, жас келіннің бетін күйеуі жігіттің әріптесі Мақсат Толықбай ашқан көрінеді. Сонымен қатар, тележүргізушінің әріптестері мен желі қолданушылары да көптен күткен тойдың суреттерін жариялап, ізгі-тілектерін білдіруде.

«Асқар, маxаббатарың баянды болсын! Олег пен Зояның жолын берсін! 20-жылдық тойларыңда кездесейік! Бүгін 31-ші телеарнаның екі департаменті ресми түрде құда болды. Өте қуаныштымыз. Ұзағынан болғай!»,-деген ізгі тілегін білдірді Гүлжан Мұқышева.