Танымал футболшымен бәстескен қазақстандық жігіт 40 градус аязда жалаңаш жүрді
Петропавлдық футбол фанаты Жәнібек Бердалиев Украина құрамасы мен германиялық “Шальке” командасының жартылай қорғаушысы Евгений Коноплянкаға берген сөзінде тұрып, уәдесін орындады.
Бұл туралы sport.obozrevatel.com хабарлайды.
Жанкүйер жігіт егер танымал футболшы “ВКонтакте” желісіндегі ресми тобындағы хабарламаға жауап беретін болса, онда қақаған аязға ішкиіммен шығуға уәде берген.
“Мен Жәнібекке пікір қалдырып, жауап бердім. Ол нағыз еркек ретінде сөзінде тұрып, 40 градус аязда жалаңаш тұрды”, – деп жазды Коноплянка твиттерде.
Коноплянка бұл маусымда бір гол соғып, бір нәтижелі пас берді. Жалпы “Шальке” сапында 11 ойынға қатысып үлгерген.
Талқылау