Соңғы жаңалықтар
Соңғы жаңалықтар

Әлемге танымал әнші Араш Ерлан Орынбасаровтың әнін ұрлаған (видео)

Отандық шоу-бизнес өкілдері арасында шетелден әр ұрлап, халыққа ұсынып жүргендер жетерлік. Алайда бұл жолы керісінше. Алыс-жақын шетелдерге танымал иран-шведтік әнші Араш қазақстандық Ерлан Орынбасаровтың әнін “қолды қылған” көрінеді, деп хабарлайды Stan.kz ақпараттық агенттігі.

Танымал араб әншісі Араш Ерлан Орынбасаровтың әнін ұрлаған (видео)

Бұл орайда әншінің жары Баян Нұрмышева халыққа өкпесі барын айтты.

“Біздің елде басқа елдің əнін біздің əншілер ұрлапты десе, барлығы жау шаптырып, отандық əншілерді кінəлай бастайды (плагиат деп). Ерекең “Жаралы” атты əнін 2014 жылы жарыққа шығарды. Қалай жазылғаны менің көз алдымда өтті.

Ал енді Араштың биылғы шыққан хит əнін біздің бірнеше əріптестеріміз хабарласып, “Ереке, сенен Араш əн ұрлапты” деп хабарласып жатты. Бірақ аса ден қоя қарамадық”, – дейді ол.

Десе де, Орынбасаровтың Арашты сотқа берер ойы жоқ. Алайда Баян халық отандық сазгерлер мен музыканттарды уақытында қадірлесе деген ойда.

“Негізі ескерсек Араш бауырымыз қазағымыздың талай тойларында(Алматы, Астана, Қызылорда) өнер көрсеткенін көзімізбен көріп жүрміз. Кез келген əнші баратын мемлекетінің мəдениетімен, өнерімен хабардар болып қайтатыны сөзсіз. Біз бұған байланысты бір дау дамай іздеп отырғанымыз жоқ. Жалпы айтпағым өзіміздің өнерпаздарды, сазгерлерімізді аса бағаламаймыз. Міндетті түрде басқа ұлттың арасына барып топ жарғанда ғана, ел-еліне, жер-жеріне дейін бөліп мақтанамыз.

Осы əнге байланысты ой-пікірлеріңізді қалдырсаңыздар. Біз үшін сіздердің, яғни нағыз халықтың пікірі маңызды. Толық нұсқаларын YouTube желісінен көріп салыстыра аласыздар”, – деді ол.

Бұл орайда Алтынай Жорабаева Баян Нұрмышеваның пікірімен келісетінін жеткізді.

“Мә мынасы нес? Расында Ерланның әнін, тіпті аранжировкасындағы дыбыстарына дейін алыпты ғой. Дұрыс айтасың, бізде өзімізден мін іздегенді жақсы көреді ғой. Сол мінді тапса, жерден жеті қоян тапқандай алақайлап, жарияға жар салады. Ал мынаны тіпті байқамай қалған ба ешкім? Ерланның жүрегінен шыққан, толғатып дүниеге алып келген сәбиіндей әні ғой”, – деді ол.

Stan.kz сайтын Telegram арқылы оқыңыз. Арнамызға жазылыңыз.

Талқылау