Танымал әнші Таркан 45 жасында әке атанды

Танымал түрік әншісі Таркан 45 жасында алғаш рет әке атанды. Таркан мен оның жары Пынар Дилек қызды болды, деп жазады Stan.kz ақпараттық агенттігі.

Таркан жеке өмірін жұрттан жасырмайтын әнші. Биылғы жылдың ақпан айында ол сүйіктісінің жүкті екенін хабарлаған болатын. Ал таяу күндері өнер иесі желідегі парақшасында жаңа туған қызының суретін жариялады. Ол қызының жүзін көрсетпеді, тек сүйінші хабарды жеткізді.

“Лия қызымыз дүниеге келді! Ол менің өміріме күн нұры болып кірді. Эмоциямды сөзбен айтып жеткізе алмаймын”, – деп қуанышымен бөлісті жұлдызды әке.

Айта кетейік, Таркан жары Пынармен 2008 жылы Германиядағы концерт кезінде танысқан. 5 жыл кездескен жұп 2016 жылы отбасын құрған-ды.

Stan.kz сайтын Telegram арқылы оқыңыз. Арнамызға жазылыңыз.