Тәңірберген Бердоңғаров Астананың адамкөргісіз лас жерлерін көрсетті (видео)
Әлеуметтік мәселелерді көтеріп жүретін видеоблогер, мәжілістің экс-депутаты Тәңірберген Бердоңғаров Астананың лас жерлерін көрсетті.
Видео блогерің youtube арнасында жарияланды.
Бердоңғаров қаладағы қоқыс тастайтын орынға, иттерді асырап алуға беретін ветеринарлық қызмет көрсету орнына барды.
«Бұл қалалық қоқыс орны. Қаладағы барлық қоқыс осында жеткізіледі. Аяқ алып жүргісіз. Иісі қолқаны алады. Қоқыста пластиктен көп нәрсе жоқ. Егер адамзат қайта өңдеу ісін қолға алмаса, жер беті осындай күйге түседі. Дәл қазір қалада әлем назарын жасыл энергияға аударып жатқанда қалдықты қайта өңдеу мәселесімен айналысу керек», – дейді Тәңірберген Бердоңғаров.
Видеоблогер сонымен бірге “Астана Ветсервис” аумағына барды. Қаңғыбас иттер осында жеткізіледі.
Ондағы қызметкердің айтуынша, мұнда 17 жыл иесімен бірге тұрып, кейіннен керексіз қылып беріп жіберген ит те бар екен.
«Достар, мына иттермен қоштасуларыңызға болады. Өйткені, дәл бір айдан соң олар мұнда болмауы керек. Егер оны өлтіруін қаламасаңыздар, оны өзіңізге асырап алып құтқарып қалуыңызға болады», – дейді блогер.
Тағы да оқыңыз:
Ибрагимов: Министр Арыстанбек туралы менің де айтарым бар
Қазақстанда баспана бағасының арзандау себебі белгілі болды?