Түркістан тұрғыны: Емші бала Ербосынға қаралған соң ағамның жағдайы нашарлап көз жұмды

Дүйсенбі, 10 Шілде , 2017 22:27

Оқырмандардан күн сайын жүздеген хат келіп түседі. Солардың бірін Түркістан қаласының тұрғыны жолдаған.

getImage

Бұл туралы Инстаграм желіснің islam_nasikhat парақшасында жарияланды.

Азамат (жеке басының қауіпсіздігі үшін аты өзгертілді) есімді хат жолдаушының сөзінше қатерлі ісікке шалдыққан туысқан ағасы емші бала Ербосынға барғаннан кейін үш айдан соң көз жұмған.

«Дәрігерлер ағама «ішегінде қатерлі ісік бар» деген диагноз қойды. Бірақ олар бүгін-ертең өледі деп айтпаған болатын. Осы уақытқа дейін ауруханадан тұрақты түрде емін алып, өз аяғымен жүрген болатын. Кімнен естігені белгісіз «Ербосын деген балаға барамын. Небір ауруды жазып жібереді екен» деп, былтыр аптаған ыстықта жолға шығып кетті.

Сол бойы ауруханадағы емі де үзілді. Келген соң дәрігерге көрінсеңші деп едік. Мен жазылып кеттім деп, ем қабылдамай қойды. Артынша жағдайы нашарлап, үш айдан соң көз жұмды. Төсек тартып қалған кезінде ауруханаға апарсақ дәрі қабылдамағаннан ісігі асқынып кетіпті»,- дейді хат иесі.Осы орайда біз елге емшілігімен танымал болған жеткіншектің шын мәнінде кім екенін білу үшін кәсіби проффайлинг (адамның сөзімен, іс-қимылына қарап мінездеме беретін маман) сарапшының көмегіне жүгіндік.

Мақсатымыз – қамшысымен сабап шипа беретін оқушының расымен де кім екенін анықтау. Жанна Нұрсеитова емші бала Ербосынның ғаламторда толып жүрген видеоларын көріп шығып, оны «кәсіби алаяқ» деп атады.«Мен бұл баланының видеосын 3-4 жыл бұрын көргенмін. Ол кезде өзінің емші екеніне ол күмәнмен қарайтын және өзі бұл ісіне, қылмысына ұялатын еді. Қазіргі ол емші емес екенін жақсы түсінеді және ісіне ұялмайтын халге жетіпті.Бұл қорқынышты.Оның көз ұшқыны, сөйлеген сөзіне, мимикасына қарап отырып-ақ, ақша мен атақ, билікке құштар екенін түсіну қиын емес. Ол сөйлеудің шебері. Бұрын кішкене ежіктеп сөйлесе6 қазір сөздің майын тамызатын шешен. Мұндай халге қалай жетті дейсіз бе? Күн сайын ол 200 адамды қабылдап, әрқайсысымен сөйлеседі. Содан келген тәжірибе.Шын мәнісіне келсек, Ербосынның бойында ешқандай да қасиет жоқ. Ол – нағыз тәжірибелі алаяқ. Бұл қылмысқа оны шешесі немесе үлкен туыстары әкелген.

Яғни, сен -қасиеттісің, ауруды емдейсің деп баланың миына сіңдіріп қойған» ,- деді бедел және абырой ісі жөніндегі сарапшы.Мықты болса неге орталыққа келіп емхана ашпайды?Жанна Нұрсеитова Ербосын Серікбаевтың – ақылды қу екенін алға тартады.«Бұл бала шынымен емші, қасиетті болса неге Алматы мен Астананың ортасынан келіп бөлімше ашып емдемейді? Ербосын мен оның туыстары бұл істі өлсе жасамайды. Себебі, қалада тұратын азаматтар мұндай алаяқтарға сенбейді, сосын бармайды. Ал, оларға ақша әкелетіндер керек. Сол үшін олар Аралдағы алыс ауылда тұрып жатыр.

Яғни, бұл балаға емделуге баратындардың 80 пайызының білімі таяздар. Олар Ербосын айтқан ертегі мен аңызға сенеді. Қалада тұрса оның өтіріктері әлеуметтік желі арқылы ашылып қалуы мүмкін»Емші бала Ербосын — қоғамға өте қауіпті адамТанымал сарапшы осы күнге дейін Ербосынды зерттеп көріп ол туралы өз пікірін ғаламторда жариялаған екен. Осыны көрген ресейлік ата-ана қыздарын бала емшіге апарып, сал қылып қайтқанын айтыпты. «Менде ресейлік үш азаматтың хаттары әлі сақтаулы тұр. Бірінде кішкене қыздарын Ербосынға емдетеміз деп уақытылы дәрігерге көрсетпей мүгедек қылып алғаны жазылған.

Тіпті, олар өкініштерін кімге айтарын білмей, күнде жылайды екен. Мен осы азаматтардың опығы басқа отандастарымызға сабақ болса екен деймін. Себебі, соқыр сенімге еріп бірі — мүгедек, бірі- қайтыс болды.Күн сайын бала емшіге орта есеппен 200 адам барады екен. Ал, олардың нешеуі жазылды, нешеуі өлді, біліп жатқан ешкім жоқ. Құзырлы орган тарапынан бұларға неге тексеріс жоқ екеніне мен таң қалам. Заң бойынша тиым салу керек мұндай емшілерге. Бұл деген барып тұрған қылмыс қой. Шын мәнісінде емші бала Ербосын – қоғамға өте қауіпті адам» , — деді проффайлинг.Оның танымал болуына журналистер де кінәлі.

Сөз арасында сарапшы жас емшінің танымал болып, жұртты өзіне үйіретіне тілшілерді де кінәлады.«Емші бала шыққан уақытта еліміздегі барлық БАҚ ол туралы жарыса жазды. Жалпы журналистер «мен осы азамат туралы жазып отырып, басқа адамның өміріне қауіп төндірмедім бе?» деген жауапкершілікті ұмытпаулары қажет. Тілшілердің мақаласына сенген жұрттың бәрі сол балаға ағылды. Қайтсін енді, халық үшін әйтеуір бір нәрсеге сену керек.Ауру қысқан кезде, тіпті бұл сенім деген нәрсе шарықтап кетеді. Ал, Ербосынның қамшысынан таяқ жеген соң жазылып кеттім дегендер туралы айтар болсам. Ол ауру онсыз да жазылатын еді. Тек ішкі сенім жетіспеген ол азаматқа», — деді Жанна Нұрсеитова.

Ербосынның есейген кездегі видеосын көрген сарапшы оқушының қайтадан қарапайым өмірге, тура жолға түсе алмайтынын айтты. Себебі, ақша мен биліктің дәмін татқан оның бойында өкініш ұшқыны да жоқ екен. Баланың бейнесінен өтірік көп байқалады деген маман «егер ол емшілікті тастаса жақсы ұстаз шығатын» еді деген пікірін білдірді. Ғаламтор желісін ақтарып отырып байқағанымыз Ербосын Серікбаевтың емін алу үшін науқастар тек Қазақстаннан ғана емес, алыс-жақын шетелден де алданып келеді екен.

Тағы да оқыңыз:

Сарапшы: Шындығында емші бала Ербосынның адамдарды емдей алатын қасиеті жоқ

Дініміз бойынша мүшел жасты қауіпті санау, киімін ырымдап беру дұрыс па?

Телегония: Алғашқы жақындасқан еркектің әйелге әсері жайында шариғат не дейді?

Источник: Stan.kz

Если вы нашли ошибку в тексте, выделите ее мышью и нажмите Ctrl+Enter

Источник: Stan.kz

0
Комментариев

Leave a Reply

Your email address will not be published.

Орташа айырбас бағамы
27.07.17
Сатып алу
Сату үшін
USD
327
329.5
EUR
370
374
RUB
5.05
5.12
Міндетті түрде оқыңыз
Соңғы жаңалықтар