Суретші Аңсаған Мұстафа әйелдерге баланы өзі баға алса ғана тууға кеңес берді
Қылқалам шебері Аңсаған Мұстафа қазақ қыздарына өмірлік кеңесін ұсынды. Онда суретші тұрмысқа шыққан қыздарға әр баланы дүниеге әкелмес бұрын жақсылап ойлану керектігін айтады. Әр баланың болашағына әйел барлық тұсынан жауап бере алу керек екен. Себебі, баланы өсіріп жетілдіруде қазір еркектердің жауапкершілігі жоқ дейді ол.
Бұл туралы Stan.kz сайты жазады.
“Қыздар көптен бері айтайын деп жүр едім. Бала туғанда тек қана өз күштеріңе ғана расчет жасап туыңдар. Бірінші бала ол иа, үлкен махаббат, бірге күткен, армандаған. Бір баланы бір әйел асырай алады. Әрі қарай, екінші баланы екі бала асырай алам дегенге көздерің жеткенде, үшінші баланы аяқтарыңа нық тұрғанда туу керек. Бала тек әйелге керек”,-дейді қылқалам шебері.
Аңсаған Мұстафа өмір бойғы махаббаттың жоқ екенін ескертіп, қыздарды өмірге сезіммен емес шынайылықпен тура қарауға үндеген.
“Тек өздеріңнің күштеріңе сену керек. Қазір ойлап отырған боларсыңдар, жооооқ менің (жігітім, байым, күйеуім, жолдасым) ондай емес, біздің махаббатымыз ерекше деп, пішту, адам болғансоң сезімнің бәрі бірдей берілген. Сендер ерекше тамақ ішпейсіңдер ғой, аузыңды ашасың, саласың, шайнайсың жұтасың, елдің бәрі тура солай жейді. Махаббат та тура сондай келеді, кетеді. На всякий случай дайын болыңдар, әке-шешелерің барын салып оқытып, тоқытып берген білімдерін былжырап, үйде отырып ұмытып қалмаңдар. Сол. Қыздарды жақсы көрем, жылағандарын көргім келмейді. Сергек болыңдар”,-деп түйіндейді сөзін суретші Аңсаған Мұстафа.