Студенттердің ұсталуына байланысты Қазақстан Мысырға наразылық нотасын жолдады

Алты қазақстандық студенттің ұсталып, олардың тағдырына қатысты ақпараттың берілмеуіне байланысты Қазақстан Мысырға наразылық нотасын жолдады.

2372650

Бұл туралы Sputnik хабарлайды.

“Ұсталудың мән-жайы, себептері мен азаматтарымыздың қайда екені туралы мысырлық тараптан ресми хабарлама әлі алған жоқпыз. СІМ басшылығы және Мысырдың құқық қорғау органдарының өкілдерімен бірнеше мәрте, күнделікті келіссөз жүргізгенімізбен, еш нәтиже бермеді”, — деді ҚР сыртқы істер министрлігі баспасөз қызметі басшысы Әнуар Жайнақов сейсенбі күні тілшілерге.

Оның сөзіне сүйенсек, осыған байланысты Мысыр СІМ-ге ресми түрде наразылық нотасы жолданған.

“Дәл сондай нота Қазақстандағы Мысыр ісі бойынша уақытша сенімді өкіліне де берілді. Біз Мысырдың ресми билік өкілдерінен қазақстандық азаматтардың ұсталуының мән-жайын түсіндіруді және ұсталғандар мен Қазақстанның Мысырдағы елшілігі консулдары және дипломаттары арасында байланыс орнатуды талап етіп жатырмыз”, — дейді Жайнақов.

Бұдан бұрын хабарланғандай, Абылайхан атындағы университеттің екі магистранты 11 шілдеде екі айлық тіл курсын өту үшін Каирға барады. Олар төрт қазақстандық студентпен бірге бір пәтерде тұрып, бір жерде білім алады. 20 шілдеде олармен байланыс үзілген. 25 шілдеде алты студентті мысыр полициясы ұстағаны белгілі болды, бірақ себептері әлі анықталған жоқ. Құқық қорғау органдары алты студенттің аман-есен, қауіпсіз жерде екенін ғана хабарлады.

Айта кетейік, Каирге Араб тіл үйрену үшін барған алты отандасымыз сегіз күн бұрын Мысырдың қауіпсіздік қызметінің өкілдері қамауға алған болатын. Сыртқы істер министрлігі әзірге олардың екеуінің аты-жөнін атады. Олар Қанат Берік пен Еламан Жазылхан.

Тағы да оқыңыз:

Қазақ журналистері Баянды Жазушылар Одағының хатшысы етуді ұсынды

Фонограмма, ұрлық, жасандылық: Әли Оқапов бүгінгі эстраданың кемшіліктерін атады

Бала-шағасы бас тартқан 70 жастағы қарияны Алматы тұрғыны өз қамқорлығына алды

Источник: Stan.kz

Если вы нашли ошибку в тексте, выделите ее мышью и нажмите Ctrl+Enter © stan.kz

Источник: Stan.kz

Орташа айырбас бағамы
23.07.18
Сатып алу
Сату үшін
USD
327
329.5
EUR
370
374
RUB
5.05
5.12
Соңғы жаңалықтар