Шымкентте жоғалып кеткен 17 жастағы егіздер үйлеріне оралды
Шымкентте 28 шілде күні жоғалып кеткен 17 жастағы Асан мен Үсен үйлеріне оралды. Бұл туралы облыстық ІІД баспасөз қызметі хабарлады.
“Егіздерді полиция қызметкерлері 2 тамыз күні теміржол вокзалы маңынан тапты. Олар аман-сау. Барлық жағдайы дұрыс. Қазіргі таңда олар үйлерінде”, – деп хабарлады департамент.
Полицейлердің айтуынша, осы уақыт ішінде қайда болғандарын, не үшін кетіп қалғанын ағайындылар түсіндіріп бере алмаған.
“Мамандандырылған емдеу мекемесіне оларды орналастыра алмадық, себебі ата-аналары рұқсат бермеді. Бұл егіздер осымен тоғызыншы рет үйден кетіп қалып тұр”, – деп хабарлады ІІД.
Еске сала кетсек, 17 жастағы егіздердің жоғалып кеткені туралы 1 тамыз күні кешке белгілі болған. Асан мен Үсен үй жанынан су алып кетуге шыққаннан кейін, қайтып оралмаған.
Рейхстагқа ту тіккен Рахымжан Қошқарбаев па, әлде тарихи шындық бұрмаланды ма?
“Ақиқат бәрін жеңеді, бірақ 50 жыл кешігіп жүреді" дейді тарихшы Болат Сайлан
"Жалаң қылышпен танктерге қарсы соғысқан": Екінші дүниежүзілік соғыс кезінде жойылып кеткен 106-ншы атты әскери дивизия туралы не білеміз
Дивизия құрамына алынатын жауынгерлерге "оқып-жаза алуы керек және орыс тілін білуі керек" деген талап қойылды