Шығыс Қазақстан тұрғыны шатасып әйел шалбарын ұрлап алды
Дүкенге бөтен пиғылмен кірген Зырян ауданының тұрғыны, байқамай әйелдер шалбарын ұрлап кеткен.
Сурет efcate.com
Бұл туралы Өскемен Жаңалықтары хабарлайды.
Ер адам киім дүкеніне өзіне шалбар таңдауға келеді. Ұнаған нұсқасын киіп көрмек болып, сатушыларды бақылайды. Олар көрінбей қалды деген сәтте, қолына ілінген алғашқы шалбарды күртешесінің ішіне тығып шығып кеткен.
Ер адам өзінің ұрлық әрекеті кезінде қателескенін үйіне келген кезде ғана бір-ақ білген. Кейіннен полицейлер ұрыны да көп ұзатпай ұстап алады. Шағын ұрлыққа барғаны үшін, енді ол жазасын 100 сағат қоғамдық жұмыс істеп өтейтін болады.
Талқылау