ШҚО-да асылып қалған қыздың өліміне себепші болған жігітке қатысты үкім шықты

2015 жылдың жаз айында ШҚО-ның Аягөз қаласына туыстарының үйіне қонаққа келген қызды құрбысы қыдырып келуге шақырады. Ал, ертеңінде қыз сарайда асылып тұрған жерінен табылған.

Бұл туралы timeskz.kz хабаралайды.

Қыздың денесінен арқанның ізінен бөлек жарақаттар табылған. Ол құрбысы екеуі үш жігітпен сөйлескен екен. Алайда, олар қызбен тату қоштасқанын айтып баққан. Алайда, тергеу нәтижесі бар шындықты анықтады.
Сот отырысында осы іске қатысты үш жігіттің бірін кінәлі деп танылды. Ол 18 жастағы қызды күштеп зорлаған. Соның салдарынан қыз өлімге бел буған.

«Сот айыпталушыны 10 жылға бас бостандығынан айырылуға шешім шығарды», – дейді ШҚО мамандандырылған ауданаралық сотының баспасөз қызметі. Шешім заңды күшіне енген жоқ.