Соңғы жаңалықтар
Соңғы жаңалықтар

Шетелде демалып келген әйелдің басынан бірнеше құрт табылды

Ұлыбритания тұрғыны ауруханаға барып, маңдайы ауыратынын айтқан. Алайда оның терісінің астында дернәсілдер бары анықталыпты.

Шетелде демалып келген әйелдің басынан бірнеше құрт табылды

Бұл туралы Daily Mail басылымына сілтеме жасап Stan.kz хабарлайды.

Әйел Угандаға барып, сол жақта демалып қайтқан екен. Алайда мұнан кейін маңдайы ісіп, ауруханаға түседі. Дәрігерлер ісікті жәндік шаққаннан пайда болды деп ойлап, пациентке антибиотиктер тағайындап, үйіне жіберіпті. Алайда арада үш күн өткеннен кейін әйел қайтадан дәрігерлерге жүгінуге мәжбүр болды. Себебі басы қатты ауырып, ісік ұлғая түскен.

Тереңірек зерттеу жүргізген дәрігерлер әйелдің терісінің астында екі құрт барын анықтады. Олардың бірін дәрігерлер алып тастады. Алайда ультрадыбыстық сканерлеу барысында әйелдің шашының түбінде тағы бір дернәсіл қалғаны белгілі болды.

Шетелде демалып келген әйелдің басынан бірнеше құрт табылды

Анықталғандай, әйел Угандада жүргенде басына орамалды басып жүрген. Ал орамалда шыбынның дернәсілдері болған екен. Олар әйелдің терісінің астына жара арқылы кіріп алған болуы мүмкін.

Stan.kz сайтын Telegram арқылы оқыңыз. Арнамызға жазылыңыз.

Талқылау