"Мен қазір отбасылық адаммын, балаларым лайық адам болып өсуі үшін қалай дұрыс тәрбие беру керек екенін жиі ойлаймын. Өйткені мен оларды көп уақыт көрмеймін. Мен жас әкемін, бұл жоспарда маған да тәжірибе керек екенін түсінемін. Бейнебайланыс арқылы сөйлескенімізде үлкен қызым неге кеткенімді сұрайды. Ол менің кім үшін жұмыс істейтінімді қазірдің өзінде түсінеді. Теледидардан немесе интернеттен бір жерден көрсе: "Бұл менің әкем" деп менің соққыларымды қайталап еліктейді”, – деді спортшы.

Алайда ол балаларын әзірге спортқа беруге асықпайды. Сөзінше, әлі ерте, бәрін уақыт көрсетеді.

“Мен отбасымды айқасқа апармаймын, себебі алаңдап қаламын. Балаларға үнемі бір жерге бару қажет. Сондықтан жекпе-жекке дайындалғанда жалғыз кетемін. Мен уақытында ұйықтаймын, уақытында тамақтанамын және ешқайда шықпаймын.

Бос уақытымда велосипед тебуді ұнатамын. Ал кинотеатрға бармаймын, өйткені адамдар маған алаңдап, суретке түсуімді сұрайды. Сол себепті толыққанды демала алмаймын. Тіпті әйелім неге мені ешқайда шақырмайсың деп сұрайды.

Мен әйелім туралы айтқым келмейді. Әйелім спорт әлемінен емес. Ол университетті енді бітіріп жатыр. Шынымды айтсам, мен романтик емеспін. Балаларыма көп уақыт бөлуге тырысамын. Олар да мені сағынады, үнемі іздейді", – деді Рахмонов.

Рахмонов кейінгі рет 2023 жылдың 16 желтоқсанында Лас-Вегаста октагонға шыққан. Одан кейін екінші айналымда америкалық Стивен Томпсонды жеңді. Қазақстандық боксшы UFC аясында алты жекпе-жек өткізіп, барлығында мерзімінен бұрын жеңіске жеткен.

Талқылау