Ол кез-келген жерде тек жанды дауыста ән айтуға тырысатын бірегей әншілердің қатарында. Фонограмманы қосып, аузын жыбырлатып тұруға әншінің ар-ұяты жібермейді.

Бұл туралы «Компромат» бағдарламасында айтылды. Тележүргізуші Нұрсұлтан Құрман: «Серік тойда да жанды дауыста ән шырқайтын кемде-кем әншілердің қатарында. Серік, сенімен қатар тойларда басқа әншілер фонограммамен ән айтады. Бірақ бірдей ақша аласыздар. Көңіліңе тимей ме?» – деп сауал қойды. Оған Серіктің берген жауабы мынадай:

«Оны әр әншінің өз ұяты біледі. Өзіме келетін болсам, мен бір жолы осылай ауырып қалдым. Бірақ біз тапсырыс алып қойғанбыз. Сол жерде екі әнді айтып көрдім фонограммамен, қиналдым, қатты қиналдым. Өзімнің дауысым болса да, қатты ұялдым. Халықты алдап тұрғандай, бәрі көріп тұрған сияқты. Үйреніп қалғаннан кейін басқаша болады екен. Сондықтан өзіме қазір ұят. Кез келген жерде болмасын, аппарат мықты болсын, жай болсын тірі дауыста ән айтқым келеді. Кейбір бағдарламалардың форматтары фонограммамен айтуды талап етеді. Ол кезде амал жоқ».

Сұхбат барысында әнші жеке өміріне және шығармашылығына қатысты жаңалықтарымен бөлісті. Серік жеке өміріне қатысты ақпараттарды жасырғысы келмейтінін, десе де оны қайта-қайта жариялауды дұрыс емес деп санайтынын айтты.

«Үйленгеніме келер болсақ, бұл жерде ешқандай жасыру жоқ. Бірақ қайта-қайта менің жарым осы деп сала бермейсің ғой. Өйткені өнер адамы болғаннан кейін, сол саладағы жаңалықтарды беріп отыру керек деп ойлаймын», – деп мәлім етті ол.

Бұдан бөлек Серік алдағы қыста есеп беру концертін өткізетінін тілге тиек етті. Бағдарлама барысында ақиық ақын Мұғақали Мақатаевтың өлеңін оқыған әнші көрермендерді тәнті етті.

Жіберіп алмаңыз:

Бүркіт інісі Әлимен бірге желіде жыр байқауын ұйымдастырды (фото)

Жолдыбаева: Актермен сүйісу үшін ешкімнен рұқсат сұрамаймын (видео)

Қайрат Нұртас жол апатынан кейін туған жерінде концерт берді (видео)

Ерке Есмаханның Оралдағы концерті өтпей қалды

Талқылау