Семейде су жаңа көлік әперемін деп 18 адамның ақшасын сыпырған алаяқ сотталды
Жұрттың сеніміне кірген Әсет Изатов үш жылда 55 млн теңгені қалтаға басқан. Сотта сөз алған айыпталушы кешірім сұраумен әлек болды.
Бұл туралы КТК хабарлайды.
28 жастағы жігіт Семей, Өскемен, Риддер қалаларының тұрғындарын алдап соққан. Өзін ірі кәсіпкер ретінде таныстырған ол шырмауына түсіретін адамдарды да тек қалталылардан таңдаған. Оларға қымбат көліктерді арзан бағаға алуға болатынын айтып уәдені үйіп төгіпті. Бұған имандай сенген тұрғындардың кейбірі миллиондаған теңге несие рәсімдеп, алаяққа ұстатып жіберген.
Арбауына түскендер қаражаттарының енді қайтарылмайтынын білсе керек. Өйткені, зардап шеккендердің бірі де сотта бой көрсетпеді. 55 млн теңгені қайда жұмсағанын түсіндіре алмаған алаяқтың жеке мүлкі тәркіленіп, 5 жылға бас бостандығынан айырылды.
"Аяғыма оқ тиіп, кестіруге мәжбүр болдым": Сынаққа сынбаған Паралимпиада чепионы Ербол Хамитов жайлы не білеміз?
Ербол Хамитов Қазақстан тарихында Паралимпиада ойындарында топ жарған алғашқы спортшы атанды
"Авиаотын бағасын көтеріп, қауіпсіздік талабын орындамау": Қазақстандық әуежайларға неге жаппай айыппұл салынды
Көптеген әуежай авиаотынды монополиялық жоғары бағада сату арқылы миллиондаған табыс тапқан