Сәресіге ұйықтап қалу оразаны бұза ма?
Рамазан айында ораза ұстаған қауымның арасында сәресіге ұйықтап тұрмай қалатындары да кездеседі. Ал таңертең ас ішпегеннен кейін адамға ауызашарға дейін біраз қиналуы да мүмкін. Жалпы, бұл оразаны бұза ма?
Егер адам сәресін байқамай өткізіп алса, онда сол күнгі оразасын жалғастыра береді, ораза бұзылмайды. Сәресіге тұра алмай қалдым, аузымды аша салам, бәрібір бүгінгі оразам бұзылды, ертең қайтадан бастай салам деу – қате түсінік. Сәресіні әдейілеп, біле тұра өткізуге де болмайды.
Себебі Пайғамбарымыз (с.ғ.с.) бір хадисінде: «Сәресінде үлкен береке бар. Тым болмаса бір жұтым су ішкендеріңнің өзі сәресін орындаған болып есептеледі. Сәресіге оянып, ас-су ішкен адамға Алла мейірімділік танытады, ал періштелер ол үшін кешірім тілейді» деген (Ахмад ибн Ханбал, Муснад 3/44). Бұл бір. Екіншіден, сәресін ішу сізге ауыз ашар уақытына дейін қиналмай жүруіңізге көмектесіп, күш-қуат береді, денсаулығыңызға да зиян келтіріп алмайсыз.
"Әліби, өмір сүр!": Тоқалымен көңіл жарастырған жігітті кәсіпкер Қайрат Жамалиев қалай азаптады
Екі ер адамның арасындағы жанжалдың себебі – кәсіпкердің көңілдесі Айнұр Исина
Алматы мен оның маңында 70 мың ағаш құлады: 2011 жылғы жойқын дауылдың қандай салдарын қала әлі күнге дейін сезіп отыр
Медеу мен оған жақын шатқалдарда мұндай күшті дауыл соңғы 100–200 жылда тіркелмеген