Сапарбаевты қытайлық аудармашының қазақ тілін білмеуі ашуландырды

Бейсенбі, 28 Қаңтар , 2016 21:58

Ақтөбе облысындағы ең ірі мұнай бұрғылау компаниясы банкрот болудың алдында тұр. Қара алтын құны құлдырағалы жаңа ұңғымаларды қазуға тапсырыс түспеген. Сондықтан жұмысшыларының жартысына жуығын қысқартып, ақысыз демалысқа жіберіпті.

бердібек

Бұл туралы ктк арнасы хабарлайды.

Былтырдан бері Ақтөбе облысындағы «Ұлы қабырға» деп алатын компания қызметінің қиюы қашты. Жұмысшыларын шетінен қысқартып, қалғанын ақысыз демалысқа жіберген. Қытайлық инвесторлар мұнысын қара алтын құнының арзандауымен түсіндіреді. Себебі бұрғылау жұмыстары тұралап тұрғанда, мыңдаған адамды асырау оңайға соқпайды деп ақталады.

Бүгін де компанияның жағдайын білмекке барған облыс әкіміне қытайлық басшылар қаржы жағынан қиналып отырғандарын айтып зар иледі. Оларды сабырға шақыруға аймақ басшысының өзі барған еді. Алғашында тіпті әкімнің қазақшасын аударатын адам таппай әбігерге түсті.

-Я задаю вам вопрос государственный язык какой в Казахстане?
-Казахский и руский.
-Нет. Казахский государственный язык. Русский язык межнацональный общении. Поэтому надо стараться что бы государственный язык знал.

Ақыр аяғы әупірімдеп жүріп түсіндірген қытайлық инвестордың айтуынша, соңғы екі жылда ұңғыма қаздыруға тапсырыс азайған. Енді биыл бар үміттері «СНПС-Ақтөбемұнайгазда» екен. Олар жұмыс тауып бермесе одан әрі қалай күн көретіндерін білмейді.
«Қазіргі жағдайымыз қиын. Тапсырыс болмаса компания жұмысын тоқтатуға мәжбүр боламыз. Енді жұмысшыларды қысқартпасақ, хәліміз одан әрі қиындайды»,- дейді Қытайлық компания директоры Чжан Цзюнь

Қара алтын құны арзандамай тұрғанда пайдаға қарық болғандарын қытайлық инвесторлар жасырмайды. Бірақ қиын күндерде сол қаржыны компанияның игілігіне жаратпай отырған акционерлердің қылығы Бердібек Сапарбаевқа ұнаған жоқ.

«Соңғы 5-6 жылда 700-800 миллионнан пайда көріп отырдыңыздар. Сол қорды неге компанияның материалдық-техникалық базасын жаңартуға жұмсамадыңыздар? Қазір басқа да жұмыстарды қоса атқарып қиналмай отыратын едіңіздер»,-дейді Ақтөбе облысының әкімі Бердібек Сапарбаев

Осылайша, «Ұлы қабырға» компаниясына облыс әкімі дағдарыс кезінде жұмыс орындарын сақтап қалу үшін басқа салаға да бейімделуді ұсынды. Ал қытайлық инвесторлар болса жарғылық құжаттары оған сәйкес келмейтінін айтады. Сондықтан тағы да жұмысшыларын қысқартуды шешіп отыр.

Источник: Stan.kz

Если вы нашли ошибку в тексте, выделите ее мышью и нажмите Ctrl+Enter

Источник: Stan.kz

0
Комментариев

Leave a Reply

Your email address will not be published.

Орташа айырбас бағамы
27.03.17
Сатып алу
Сату үшін
USD
327
329.5
EUR
370
374
RUB
5.05
5.12
Міндетті түрде оқыңыз
Соңғы жаңалықтар