Рио-2016: Нұрислам Санаев жүлдесіз қалды

Бразилияның Рио-де-Жанейро қаласында өтіп жатқан Олимпиада ойындарында Нұрислам Санаев «қола» үшін таласта қарсыласына жол беріп, жүлдесіз қалды. 

Бұл туралы ҚазАқпарат хабарлайды.

Ол  57 келі салмақтағы сынға түскен балуанымыз жұбаныш белдесуінің алғашқы айналымында әзербайжан балуаны Гаджи Алиевтан ұтылды.

Айта  кетейік, 1/8 финалдық кездесуде Санаевты грузин Владимир Хинчегашвили жарыс жолынан тайдырған болатын. Алайда дәл осы қарсыласы финалға шығуы жерлесімізге жұбаныш кездесулеріне қатысу мүмкіндігін сыйлаған еді. Алайда, қазақ балуаны бұл мүмкіндікті пайдалана алған жоқ.