Пойыз үстінде селфи жасамақ болған павлодарлық жігіт өлім аузынан қалды
Павлодарда пойыз үстіне шығып селфи жасамақ болған жігіт ауыр жарақат алды. Ол жоғары кернеулі тоқты қолымен ұстап алған.
Сурет: joinfo.ua
Оқиға 7 шілде күні болған. Оқиғаның куәгері болған достары үлкендерді көмекке шақырған. Жедел-жәрдем қызметін көрші мекеме қызметкерлері шақыртқан.
Бұл туралы қалалық жол прокуратурасының орынбасары Амангелді Рахметжанов мәлімдеді.
«Жеткіншекті облыстық ауруханаға жатқызды. Ол жансақтау бөлімінде жатыр. Оның 85 пайыз денесін күйік шалған. Ішкі ағза мүшесіне зақым тимеген. Оған кешенді ем жүргізіліп жатыр», – дейді облыстық емхананың бас дәрігері Ардақ Күзеков.
Қазіргі уақытта прокуратура теміржол күзетінің қалай жұмыс істейтінін, адамдардың темір жолдардан өту қауіпсіздігін тексеріп жатыр.
Жіберіп алмаңыз:
Өскемендегі жігіттің селфи жасамақ болып суға кеткендегі сәті жарияланды (видео)
Хирург операция үстінен трансляция таратып, жалаңаш емделушімен селфи жасады (фото)