Полиция: Елімізде "ішіне жын кірген" адамдарды заңсыз емдейтін емшілер көбейді, ондайлар жазаланады
Соңғы уақыттарда қоғамда психологиялық ауытқуы бар адамдарды емдейтін, адамдардың ішіне кірген "жынды" шығаруға көмектесеміз деп жүрген дін ұстанушы азаматтарды көп кездестіреміз, деп хабарлайды Stan.kz ақпарат агенттігі.
Ақтөбе облысы полиция департаментінің баспасөз қызметінің мәліметінше, осы "емшілер" дұғаларды оқып, әртүрлі шөптен жасалған қоспаларды ішкізіп, сол үшін адамның шалдыққан ауруына байланысты 3000-10000 теңге аралығында төлем алады.
Мысалы үшін, мамыр айының соңында Ақтөбе қаласында деструктивті діни ағымды ұстанушы тұрғын емделушінің ішіне жын кірген деп, еріксіз үйге қамап, таяқпен ұрып, әртүрлі жағымсыз ұнтақ тектес қоспаларды ішкізген. Емделуші осы жағдайдан құтылғаннан кейін, полиция қызметкерлеріне жүгінген.
Нәтижесінде, "Емшіге" қатысты Қазақстан Республикасының ӘҚБтК 424-бабына сәйкес, "заңсыз медициналық және (немесе) фармацевтикалық қызметпен айналысу" фактісі бойынша сот шешімімен айыппұл салынды.
Талқылау
Әкімдік қаладағы ескі брусчаткалардың мұқтаж отбасыға берілгенін айтты: Алайда Боқаев төсеуіштің жеке қолға сатылып жатқанын түсіріп алған (видео)
Санжар Боқаевтың айтуынша, әкелінген брусчатка мүлде бүлінбеген, тіпті жаңа күйінде болған
"Қайыққа міну құны 15 мың, сайтта 5 мың теңге": Көлсай көлдерінде қызмет құны неге ресми бағадан жоғары
Министрлік Көлсайда көрсетілетін қызметтің бағаларын реттемейді екен