Павлодарда жалақы алмаған жүргізушілер шу шығарды

Сәрсенбі, 16 Наурыз , 2016 7:55

Павлодарда республикалық күре жолдың құрылысына атсалысқан жүк көлігінің жүргізушілері маңдай тер ақыларын ала алмай жүр. Жаз бойы жалақы көрмесе де олар қарызға жанармай алып, қар түскенге дейін жұмыстарын жалғастыра берген. Айтуларынша, «Унистрой-ПВ» компаниясы бүгінде жүзге жуық жұмысшыға 90 миллион теңге берешек. Бұл туралы КТК телеарнасы хабарлайды.

12

Валерий Алманцев 25 жылдан бері жолаушы тасымалдаумен айналысады. Былтыр республикалық маңызы бар жолдың құрылысына жұмысшыларды тасыған ол өзін келісім-шартпен жұмысқа алғандардың алдап кеткенін айтады.

“Жүз мың теңге ғана төледі. Тағы екі жүз мыңды бермей кетті. Өз басым «Унистрой-ПВ» компаниясының басшысы Марат Төлегеновпен келісім-шартқа отырғанмын. Жұмысшыларға миллиондаған берешек екенін естігінде жағамды ұстадым”, – дейді Валерий Алманцев.

Жүк көлігінің жүргізушілері Павлодар-Астана тас жолының бойында өздеріне берілген 14 шақырымдағы жұмысты түгел атқарғандарын айтады. Ал мердігер қара жұмысшылармен қоса, жеке кәсіпкерлермен де байналыстарын үзген.

“Мамыр айынан бастап қазанның ортасына дейін жұмыс істедік. Сол бас кезінде бір айдың ғана ақшасын алдық, өңгесінің ақшасын алғам жоқ. Үш жарым миллион ақша қарыз ол кісілер. Енді менің жұмыскерлерім бар беретін”, – дейді жеке кәсіпкер Бауыржан Сәбиков.

Мәселені көтеріп жергілікті әкімдік мен сотқа да барған жұмысшылар сол күйі жарытып жауап ала алмаған. Ал қарасын батырған компания басшыларының ізіне прокурорлар да түсе алмай отыр.

“Қазір Еңбек басқармасымен бірге «Унистрой-ПВ-ға» қатысты тексеріс жүргізілуде. Компанияның шағымданған жұмысшыларға нақты қанша берешек екені әзірге белгісіз. Басшыларын заңды мекен-жайынан таппадық”, – деп түсініктеме берді Павлодар қалалық прокуратурасының аға прокуроры Ерлан Түлеков.

Заңды мекен-жайынан табылмаған компания басшыларының ұялы телефондары да сөндірулі. Ал маңдай тер ақыларын былтырдан бері ала алмай жүрген жұмысшылар болса миллиондаған алашағын наурыздың соңына дейін тағы күтпекші. Бұл тілектері орындалмаған жағдайда өздері салған тас жолды қайта бұзатындарын мәлімдеді.

Источник: Stan.kz

Если вы нашли ошибку в тексте, выделите ее мышью и нажмите Ctrl+Enter

Источник: Stan.kz

0
Комментариев

Leave a Reply

Your email address will not be published.

Орташа айырбас бағамы
17.10.17
Сатып алу
Сату үшін
USD
327
329.5
EUR
370
374
RUB
5.05
5.12
Міндетті түрде оқыңыз
Соңғы жаңалықтар