Соңғы жаңалықтар
Соңғы жаңалықтар

Павлодар облысының әкімі оңтүстіктен көшіп келген тұрғындарға жер беруге уәде етті

Павлодар облысының әкімі еліміздің оңтүстігінен көшіп келген тұрғындардың бәріне жер беріп, баспана сатып алуға көмектесетінін айтты. Бүгінде Павлодар облысына 377 отбасы қоныс аударған. Жыл соңына дейін тағы 83 отбасы көшіп келгелі отыр.

Павлодар облысының әкімі оңтүстіктен көшіп келген тұрғындарға жер беруге уәде етті

Бұл туралы 31 арнаға сілтеме жасап Stan.kz хабарлайды.

«Оңтүстікте жер телімін алу қиын. Біз Павлодар облысына көшіп келгендердің бәріне жер телімін беруге дайынбыз. Бізде жер телімі жеткілікті», – дейді облыс басшысы.

Сонымен қатар Болат Бақауов адамдарды жерду суару жүйесін және ауыл шаруашылығын дамытумен айналысуға шақырды. Ал мұндай еңбек қолынан келмегендерді өңірдегі өнеркәсіптік кәсіпорындарға жұмысқа орналастыруға уәде етті. Өз сөзінде облыс әкімі Успен ауданындағы Ольгинка аулын мысалға келтірді. Ауылда еліміздің оңтүстігінен көшіп келгендер саны көп. Олардың бәрі ештеңеге мұқтаж емес, дейді әкім.

«Ауылдарда арзан үйлер бар. Өз кезегінде біз соларды сатып алуға көмектесе аламыз. Сонымен қатар әр отбасыға 7 тоннадан көмір бөлінеді», – дейді Бақауов.

Stan.kz сайтын Telegram арқылы оқыңыз. Арнамызға жазылыңыз.

Талқылау