Өзбекстанда салмағы 6 тонна болатын палау асылды (фото)

17 тамыз күні Ташкент облысындағы Алмалық қаласында Өзбекстандағы ең үлкен палау асылды. Сарапшылар бақылап тұрған рекордты тамақтың салмағы алты тоннаны құраған.

Фото: UZ24

Бұл туралы UZ24.uz хабарлайды.

Палауды диаметрі 4,2 метр, жалпы сыйымдылығы 8 мың литр болатын тау-металлургиялық комбинатында орналасқан қазанда дайындаған. Қазанның өз салмағы 7070 келі, тереңдігі – 1 метр. Ал қазан орналастырылған ошақ 3 тонна екен.

Палауды дайындау үшін рекордтық деңгейдегі азық-түлік қолданылған.

Сиыр еті – 826 келі, қой еті – 825 келі, қойдың майы – 195 келі, ең басты тағам күріш – 1650 келі.

Сондай-ақ, қазанға 2400 келі сәбіз, 185 келі пияз, 350 литр өсімдік майы, 480 келі тұз салынған.

Палауды дайындау үшін елдің түкпір-түкпірінен 50-ден астам танымал аспаздар шақыртылыпты. Дайын палау тағамы Алмалықтың 22 000 тұрғыны мен қонақтарына таратылған.

Ал жалпы, іс-шараны ұйымдастырумен күн-түн демей әртүрлі мамандық иелерінен жиылған 150 адам жұмыс істеген.

Айта кету керек, бұл палау әлемдегі ең үлкен палауды асуға деген дайындық іспетті өткізіліпті. Әлемдік рекордты орнатуға деген талпыныс 8 қыркүйек күні “Өзбегім” дәстүрлі мәдени фестивалі аясында жасалмақ.

Оқи отырыңыз:

Барселонада теракт болып, 18 елдің азаматтары зардап шекті

52 жастағы ер адам өз жүрегіне 9 сантиметрлік шеге тығып алды

Қынадан сақ болыңыз: Татуировка жасатқан қыздың ата-анасы жұртқа жан айқайын жеткізді

Жас жігіт өзін мазақ еткен жеткіншектен кек алу үшін оның анасымен төсектес болды