Отандық әншілердің фонограммаға көзқарасы қандай

Сәрсенбі, 16 Наурыз , 2016 14:08

Бүгінде  компьютердің “құдіретімен” бұлбұлға айналып, халықтың “ыстық ықыласына” ие болып жүрген әншілер қазақ эстрадасында жетерлік.  Тіпті, фонограмманы олар – тығырықтан шығудың ең оңай жолы деп санайды.

5

Бұл туралы “31” арна  хабарлайды.

“Фонограммамен ән айту- харам! Дискіге жазылып алынған дауысқа ілесіп сахнада ауыз жыбырлатып тұрғанның несі өнер? Түптеп келгенде, бұл халықты алдау, харам жолмен ақша табу ғой. Фонограммамен ән айту өнер емес!”- деп Ерлан Төлеутай өз пікірін білдірді.

ТМД елдерінің барлығы  фонограммаға әлде қашан тыйым салған. Алайда, бұл қатарға Қазақстан енбей отыр.

Зерттеушінің айтуынша, Германия, Қытай сынды елдерде сахнада өтірік аузын жыбырлатып, халықты алдаса, жоғары көлемде айыппұл төлейтін көрінеді.

Еуропада фонограмма деген ұғым атымен жоқ. Тіпті,  көрші қырғыздардың өзі бас тартқан.  Ал Америкада оған рұқсат бар, бірақ шығармашылық концерттердің афишасында «фонограмма» деген ескертпе міндетті түрде жазылып тұрады екен.

1

«Ән айтсаң, жаныңды жеп айт». Осы қағиданы дәстүрлі әнші Еркін Шүкіман берік ұстанған. Сондықтан болар, сахнада орындайтын әндерін осы күнге дейін компьютердің көмегімен айтып көрмепті. Фонограммаға жаны қас өнер иесі бүгінде шоу-бизнесте  “әнші сымақтардың” көбейіп кеткеніне күйінеді. Егерде оларды нағыз додаға салып сынап көретін болса, біразы өнерден сырылып қалатына  да сенімді.

Дәстүрлі әнші арнайы заңның болуын талап етсе, ал танымал өнертанушы Ерлан Төлеутай бүгінгі қазақ эстрадасының деңгейіне көңілі толмайтынын баспасөз беттерінде ашық білдірген.  Тіпті, фонограммен ән айтуды –  харам деп кесіп айтты.

Дәстүрлі және эстрада әндерін қатар шырқайтын Айгүл Қосанова фонограммадан бас тарту үшін әлі 20 жылдай уақыт қажет деген пікірде. Себебі, той мен концерттерде көбінесе әншіден өңделген әндерін сұрайтын көрінеді.

Компьютердің көмегімен өңделген әнді орындаған әншінің дауысымен шеберлігін білуге болады. Әнші МәдинаСәдуақасова жанды дауыста айтудан кетары емес.  Келесі жылы  жанды дауыста жеке концертін өткізуді көздеп отыр.

2

“Фонограммасыз концерттердің барлығын өткізу керек. Өйткені сенің концертіңе халық келді ме, көрермен міндетті түрде  жанды дауысты тыңдау керек. Ал енді көптеген түсірілімдер болады, жобалар болады олар фонограммада өту керек”, – дейді әнші Мәдина Сәдуақасова..

Әншілердің фонограммадан қашан түбегейлі бас тартатыны белгісіз. Мұның әзірге бір ғана жолы бар. Ол – тиісті заң қабылдау.

Источник: Stan.kz

Если вы нашли ошибку в тексте, выделите ее мышью и нажмите Ctrl+Enter

Источник: Stan.kz

0
Комментариев

Leave a Reply

Your email address will not be published.

Орташа айырбас бағамы
27.07.17
Сатып алу
Сату үшін
USD
327
329.5
EUR
370
374
RUB
5.05
5.12
Міндетті түрде оқыңыз
Соңғы жаңалықтар