«Оралман термині бойынша депутаттар да, халық та өз ұсыныстарын білдіріп жатыр. Қазір бұл терминге қатысты талдау жүргізілуде. Кейбір елдерде оралмандар «отандастар» деп аталады, ал басқалары әр түрлі терминдерді пайдаланады. Біз талдау нәтижелері бойынша шешім қабылдаймыз. «Отандас» термині және басқа терминдер қарастырылады. Қазір жұмыс арнайы комиссиямен жүзеге асырылады. Шешім қабылданғаннан кейін, жауабын хабарлаймыз. Тәуелсіздік жылдарында Қазақстанға миллионнан астам оралмандар қоныс аударды. Егер қателеспесем, олар көбінесе Өзбекстаннан келді. 2017 жылы 18 605 оралман өз жеріне оралды», – деді Алтаев жұмыспен қамту және көші-қон саласындағы заңнаманың өзгеруі туралы заң жобасын талқылау барысындағы баспасөз мәслихатында.

Сондай-ақ, вице-министр Қазақстанда оралмандардың мәселесін шешуді жоспарлап отырғанын да айта кетті.

«Біз сондай-ақ мемлекеттік қолдау шараларын қоныстанушылар, оралмандар мен олардың отбасыларына ғана емес, сондай-ақ жалғыз басты қоныстанушыларға да аймақтық квота беруді жоспарлап отырмыз. Бізде заңнамада қайшылықтар болды. Біз тек оралмандардың отбасыларына ғана квота бөлінетінін белгіледік. Қазір отбасы жоқ жалғызбасты оралмандар көшіп келгісі келеді. Біз осы заң жобасындағы қайшылықтарды жойып жатырмыз. Енді отбасылы қоныстанушыларға ғана емес, сондай-ақ жалғызбасты оралмандарға да квота беріледі», – деді Алтаев.

Оқи отырыңыз:

Қызғаныштан кастрациялаған: Айыпталушы қанша жылға сотталуы мүмкін

“Харекет” қоры мен театр актерлары бірлесіп 4 балалы анаға баспана сыйлады

Қазнеттегі домендерді тіркеудің жаңа ережесі бекітілді

Шымкентте халықты улаған балмұздақ дүңгіршегінің екі қызметкерінен сальмонеллез қоздырғышы табылды

Талқылау