Оңтүстікте бір ауыл халқы жаппай ауруға шалдығып жатыр

Сейсенбі, 8 Тамыз , 2017 7:30

Оңтүстік Қазақстан облысының бес мыңнан астам тұрғыны бар Дарбаза ауылында қара халық жаппай ауруға шалдығып жатыр. Балаларының басы айналып, мұрындарынан қан кетсе, тексеруден өткен қырық әйелдің омырауынан қатерлі ісіктің белгісі анықталған.

кеке

Бұл туралы 31 арна хабарлайды.

Күндіз де түнде де далаға шығудан қалдық деп ашынған қара халық осының барлығына себеп, ауыл іргесіндегі шайыр өндіретін зауыттан шығатын зиянды түтін деп отыр.

Сарыағаштың Дарбаза ауылы тұрғындары түнгі бірден таң атқанғанға дейін сыртқа шыққан кез-келген бала еріксіз жылайтынын, ал күндіз тынысы тарылғаннан мұрны қанап, басы айналуы жиіледі деп отыр. Аяғы ауыр келіндердің түсік тастауы белең алған. Алты жасар баласының ауруға шалдыққанын айтқан дарбазалық Шолпан Үкібаева, басы айналып құлап қала берген екі баласын ауылдан алыстатыпты. Сырттан келген қонақтар болса, жағымсыз иістен әп-сәтте мазасы қашатын көрінеді.

“Ал өзімнің алты жасар балам кәдімгідей, мама смола басым ауырады деп мұрны қанайды. Аяп кетесің. Менің қазір екі балам, сенбесеңіз апарамын, өзімнің шешімнің үйінде жүр. Төрт айдан бері шешімнің үйінде жүр”, – дейді тұрғын Шолпан Үкібаева.

2332

“Менің келінім міне, екі егіз баласын түсіріп алды. Осы смола деп”, – дейді тағы бір тұрғын Баян Құлболдиева.

Ең сорақысы, алпыс үш әйелді тексеруге алған дәрігерлер қырық әйелдің омырауынан қатерлі ісіктің белгісін анықтапты. Бұл жағдай сақтала берсе, ауыл халқы түгел қырылып кетпек, – дейді тұрғындар.

“Біз шаршадық. Шаршағаннан бұрын балаларымыз қан құсып жатыр. Шаш түсіп жатыр. Тырнақ түсіп жатыр. Біз қайда барамыз, соны айтыңдаршы. Сонда алпыс үш адамнан қырық адам рак. Кеше айтты ғой медсестра”, – дейді Жәния Абдуллаева.

Халықтың шағымы зауыт ашылғалы туындап отыр дегенді биліктің өзі де растады. Наразылық жиілеген соң, құзырлы мекемедегілер бас қосып, жиын да өткізіпті. Оған зауыт өкілдері де қатысыпты. Ал дәрігерлердің науқастар санының күрт өскендігі жайлы ақпаратты әкімдік растады.

“Қазіргі таңда аудандық прокуратура тарапынан іс қозғалды. Облыстық экологиялық комитетінен тиісті қаулы шығарылды. Соның тиісті мамандары лабораториясымен келіп, бұл зауыт жөнінде нақты жұмыстар жүргізіп, өзінің шешімін беретін болады”, – деді Сарыағаш ауданы әкімінің орынбасары Құдірет Қыстаубаев.

Билік халыққа зауыт басшысы Серік Ағабековтың уәдесін алдық, бүгіннен бастап зауыт өз жұмысын толықтай тоқтатты деп мәлімдеді. Алайда тұрғындар пікірі басқа. Олар халықты улап отырған қою қара түтіннің аздап саябырсығаны болмаса, тоқтады дегені өтірік деп отыр. Егер улану дерегі осылай жалғаса берсе, халық темір жолды жабамыз дейді.

Оқи отырыңыз:

Қазақстанда отбасыны қолдау институты құрылмақ

Жанжал: Зейнетақы қорындағы 15 миллиард теңге келмеске кетті

Бахрейннен оралған бойжеткен күйзеліске түсіп, психологиялық соққыдан төсек тартып қалған

ҚМДБ: желіде тараған уағызшылардың тізімін мүфтият жасаған жоқ

Источник: Stan.kz

Если вы нашли ошибку в тексте, выделите ее мышью и нажмите Ctrl+Enter

Источник: Stan.kz

1
Комментариев
  • Anonymous says:

    Биздин ауылда да дал сондай жагдай Доссорда балдардын бари мурындары канайд жане рак ауруы кобейип кетти

Leave a Reply

Your email address will not be published.

Орташа айырбас бағамы
23.08.17
Сатып алу
Сату үшін
USD
327
329.5
EUR
370
374
RUB
5.05
5.12
Міндетті түрде оқыңыз
Соңғы жаңалықтар