Соңғы жаңалықтар
Соңғы жаңалықтар

Нұртас Адамбай Ninety one тобын қорғап сөйледі

Қазақстандық режиссер Нұртас Адамбай Ninety one тобын жақтап сөйледі. Ол аталған топқа концерт өткізуге тыйым салған әкімдерді әжуалады.

14567412_636939809819758_5291333104568814892_o

Фото: facebook.com/NurtasAdambay

Бұл туралы Stan.kz хабарлайды.

91 тобының айналасындағы дау әлі күнге дейін толастар емес. Бұрын-соңды жағымсыз пікірлермен шектелетін адамдар, енді аталған топтың өнер көрсетуіне кедергі жасап жатыр. Күні кеше 91 тобының Қызылорда қаласындағы концерті өтпей қалды. Осы жағдайға қатысты Нұртас Адамбай пікір білдірді.

“Қарағанды мен Жезқазған қалаларының әкімі 91 тобына концерт өткізуге тыйым салған екен. Мұның орнына жемқорлықпен дәл осылай күрессе жақсы болатын еді”, – деп жазады Нұртас Адамбай өзінің фейсбук парақшасында. Режиссердің бұл жазбасына 1 000-нан астам адам лүпіл басып, 100-ге жуық адам пікір білдірді.

“Мен Korean pop жанрындағы әндерді Ninety one  тобы пайда болмай тұрып 10 жылдан бері тыңдап келемін. Аталған топты тыңдағаннан мен қызтеке болып кеткен жоқпын. Сүйікті тобымды көруді әлі де армандап жүрмін. Біздің де өзіміздің поп тобымыз пайда болды. Олардың сапалы әуендерін жанұямызбен бірге отырып тыңдаймыз”, “Ninety one тобы бәрібір күшті! Бұл майда кикілжіңдер оларды қайрай түседі”, “Мен де 91 тобын тыңдаймын. Алматы қаласында тұратыныма құдайға шүкір!” дейді желі қолданушылары.


Жіберіп алмаңыздар:

Баян Есентаева тегін өзгертпейтін болды

Баян Мақсатқызы: Мен бұрынғы күйеуіммен дос болып қалғым келеді (видео)

Қызылорда қаласында да “Ninety one” тобының концерті өтпей қалды

Қазақстандық жұлдыздар ұрық доноры болудан бас тартты

Талқылау