Соңғы жаңалықтар
Соңғы жаңалықтар

Назарбаев әйгілі тракторшы Дөненбаеваның отбасына көңіл айтты

Нұрсұлтан Назарбаев Кәмшат Дөненбаеваның қайтыс болуына байланысты туған-туысқандары мен жақындарына көңіл айту жеделхатын жолдады.

Бұл туралы Ақорда сайты хабарлайды.

Жеделхатта Мемлекет басшысының даңқты диқан-механизатор, қоғам қайраткері, Социалистік Еңбек Ері Кәмшат Дөненбаеваның дүниеден өткені туралы хабарды зор күйзеліспен қабылдағаны айтылған.

«Кәмшат Байғазықызы көп жылдар бойы механизатор болып еңбек етіп, жер жыртып, астық өсіріп, еліміздің өсіп-өркендеуіне өз үлесін қосты. Кезінде басқа да бірқатар қыздар Кәмшатқа еліктеп, механизаторлық мамандықты таңдап, еліміздегі бүгінгі береке мен молшылықтың негізін қалады.

Бойында қазақ әйеліне тән ақыл мен парасат, еңбекке деген қажыр мен қайрат шебер үйлесім тапқан Кәмшат Дөненбаеваның есімін, оның атқарған істері мен жарқын дидарын қазақстандықтар әрдайым жадында сақтайды деп сенемін», – делінген жеделхатта.

Оқи отырыңыз:

Алматыдан 632 шақырым қашықтықта жер сілкінісі болды

Көшеде дәретке отырған полицей жұмысынан қуылуы мүмкін (видео)

Ортақ көңілдестерін жазалаған әйелдер оны орманда тыржалаңаш күйінде қалдырып кеткен

Туған анасына тұрмысқа шыққан әйел сотталды

Талқылау