Министр хиджаб кигені үшін мектепке кіргізілмеген оқушыға қатысты пікір білдірді

Бейсенбі, 22 Қыркүйек , 2016 7:45

Жаңа оқу жылымен қатар қайта басталған хиджаб мәселесіне қатысты Білім және ғылым министрі бүгін өз пікірін айтты. Ата-аналарды екіге жарып, қоғамда қызу талқыға түскен тақырыпқа Ерлан Сағадиев нүкте қояр деп үміттенген едік. Мәжілістен шыға сала журналистерге сұхбат беруден қашқан министр “талап бәріне ортақ” деп құтылды. Сондай-ақ, Қызылорда облысындағы мектептердің бірінде уланған оқушыларға байланысты да жүрдім-бардым жауап берді.

новый коллаж

Бұл туралы 31 арна хабарлады.

«Менің орамалыма байланысты, сабаққа директорым кіргізбей жатыр. Мен басқалар сияқты мектепке оқығым келеді», – дейді 8-сынып оқушысы Ақерке Аманжан.

Өткен аптада арызын айтқан Ақеркенің мәселесі қоғамның талқысына түскен еді. Азаматтардың бірі мектептікі дұрыс десе, екіншілері оқушы қызды қолдап пікір таластырған болатын. Мектепте хиджаб кию тақырыбына қатысты құзыретті орган өкілдері талай рет мәлімдеме жасаса да, жаңа оқу жылында бұл мәселе қайталанып отырады.

Келе салып бірнеше реформаны қолға алған Білім және ғылым министрі төрелігін айтады-ау деген едік. Алайда, мәжіліс отырысынан шыға сала басқа жиынға асыққан Ерлан Сағадиев, екіұшты жауап қайтарды.

«Мектеп директорының мәселесі. Сосын ата-аналар комитеті жиналып, шешуі тиіс», – деді министр.

Мектеп директорында мұндай мәселеге байланысты шешім қабылдайтындай құзырет қайдан келсін.

«Біз мектепке кіргізбей отырған жоқпыз, тек қана мектептің табалдырығына дейін орамалыңды тағып кел, содан кейін ішке кірерде орамалыңды салғызып, іштегі балалармен бірдей болып отырсын деген талап қойғанбыз. Оны ата-ана дұрыс түсінбей отыр. Біз нұсқаулыққа байланысты өз жұмысымызды атқарып отырмыз, ішкі тәртібімізді ұстанып отырмыз», – дейді №21 мектеп директорының тәрбие ісі жөніндегі орынбасары Балқаш Жақсиева.

Даудың шешімі айналып келіп Білім және ғылым министріне бәрібір тірелді. Мәжіліс ғимаратын айнала қашып құтылмасын түсінсе керек, Сағадиев мырза нақты өз кесімін айтып құтылды.

«Белгіленген формасы бар. Сол белгіленген формамен балалар жүруге тиіс. Мектепке баруға тиіс», – дейді ҚР Білім және ғылым министрі Ерлан Сағадиев.

Ал Қызылордадағы мектепте оқушылардың улануына байланысты құзыретті органдардың тексеруі әлі аяқталмапты.

Айта кетерлігі, бүгін ауруханаға жатқызылған 6 баланың 4-і емделіп шығыпты. Қазақстанда 7 жарым мың мектеп бар деген білім министрі, әр оқу ошағындағы қауіпсіздік мәселесіне директорлар жауапты деді.

Жіберіп алмаңыз: 

Таразда күйеуімен ажырасқан әйел 5 баласымен көшеде түнеп жүр

Елімізде жол тәртібін бұзғаны үшін төленетін айыппұлдың мөлшері төмендетіледі

Бәйбіше мен күйеуі ұл туып берген тоқалды үйден қуып шықты

 

Источник: Stan.kz

Если вы нашли ошибку в тексте, выделите ее мышью и нажмите Ctrl+Enter

Источник: Stan.kz

6
Комментариев
  • Анонимно says:

    Медресеге бермейдіма қыздарын, мектепте форма барлығына ортаққой

  • Анонимно says:

    бізге бір сынақ болдыгой,кіндігін ашып санын жалтыратып жүрсе оған әнгіме жоқ,Айналып келіп орамалға тиіседі,озім 1 сыныпта оқитын қызымды сабақтан алып кетерде мектептегі қаисысы мұғалім каисысы оқушы екенін ажырата алмаимыз

  • Анонимно says:

    Онда кыздарына минни юбка кигизиндер педофилдер кобейсин

  • Баке says:

    Халқаралық адамқұқығын қорғау комитетіне шағымдану керек.Бұлардын бастары істемейді министерліктін бұлар адам құқығын бұзып жатыр

  • Анонимно says:

    Hidjab Allanin amiri kuran ayatin okip korinizder Nisa suresin…. Kiska yubkamen barip neshe turli uyatsizdikti uyrenip uyatsiz bolgansha ?, hidjab kiyip Allanin amirimen imandi jurgenge ne jetsin ?!!

  • Анонимно says:

    Мектепте барлық бала бірдей формамен отыруы тиіс!

Leave a Reply

Your email address will not be published.

Орташа айырбас бағамы
22.10.17
Сатып алу
Сату үшін
USD
327
329.5
EUR
370
374
RUB
5.05
5.12
Міндетті түрде оқыңыз
Соңғы жаңалықтар