Мені аңдып, қорқытатындар көбейді: Төсін жалаңаштаған қыз жылап тұрып кешірім сұрады (видео)
Төсін жалаңаштап желіде “жұлдыз” болған бойжеткен жылап тұрып кешірім сұрады. Айтуынша, оны қорқытатындар көбейген.
Шырын Нарчаева бірнеше уақыт бұрын желіге жалаңаштанып түскен суретін жариялаған еді. Қазақтың әшекейі мен сәукелесін жалаңаш киіп суретке түсті. Бұл желіде қызу талқыға түсті. Оны сынға алғандар саны күннен күнге артып келді.
Бойжеткеннің өзінің айтуынша, осы әрекеті үшін өзін қорқытып-үркітетіндер көп. Алайда оған мән бермейтінін айтқан еді. Енді желіде видео арқылы көпшілікке үндеу айтты.
“Мен қорқа бастадым. Күнделікті жағымсыз пікір жазатындар көп. Бәрі мені ұратынын, өлтіріп кететінін айтады. Бүгін тіпті соңымнан аңдыды. Суретке түсіріп алды. Өзімді қойып, отбасы мүшелерімді үркітетін болды. Қорқатын жағдайға жеттім. Маған қорқынышты. Оларға бәрінен кешірім сұрағаным керек пе?”, – дейді ол.
Желі қолданушылары бойжеткеннің бұл видеосы кезекті пиар десе, енді бірі ісіне өкініп отыр деп сенді. Көпшілігі қызды кешіріммен қарайық деген ойын айтты.
Stan.kz сайтын Telegram арқылы оқыңыз. Арнамызға жазылыңыз.