Мәжілісте Асанов пен Қасымов бір-бірінің кемшілігін жайып салды

Жұма, 18 Қараша , 2016 22:01

Билікте Қылмыстық кодекс төңірегінде дау шықты. Бүгін  Ішкі істер министрі Бас прокуратураны заңдарды шетелден тікелей көшіріп жазған деп айыптады. Соның салдарынан соңғы екі жылда қарақшылар қылмысты бизнеске айналдырып алған және зорлық-зомбылық көбейген, – деп хабарлайды КТК арнасы.

asanov_zhakyp

Бас прокурор да қарап қалған жоқ. Қасымовтың қарамағындағылар қылмыстық істің көбін негізсіз қозғайды деп салды. Күтпеген жерден  керісе жаздаған Асанов пен Қасымов неге келісе алмады? Екі жыл бұрын ғана өзгеріс енгізіліп, қайта қабылданған Қылмыстық кодекстің шикілігі шыға бастаған. Ең сорақысы, заңның кемшілігінен елде  ұрлық-қарлықтың саны артып, кодекстің олқылығынан  қылмысты бизнеске айналдырып алғандар көбейіпті. Сондықтан бүгін еліміздегі  қылмыстық істерді тергеп, тексеруге тікелей жауапты прокурор, полицейлер мен адвокаттар Мәжіліске түгел жиналды.

“Қазір егер ұры 1 миллионнан аспайтын ақшаны қолды қылса, ол  жәбірленушіден  кешірім сұрап, бітімгершілікке келуге  рұқсат берілген. Жазаланбаған соң ұры жұртты қайта-қайта тонай береді. Қылмыскерлер заңның дәл осы тұсын пайдаланып кетеді”, – дейді Мәжіліс төрағасы Нұрлан Нығматулин.

Нығматулин енді екінші рет ұрлықпен ұсталғандарға кешіріммен  қараудың қажеті жоқ деп отыр. Қолданыстағы Қылмыстық кодекске прокурорлар да наразы. Жақып Асанов заңның бес кемшілігін тізіп келіпті.

“4 ай бұрын біздің қызметкерлер 9 мыңнан астам  экономикалық қылмыстық істі тексерді. Жартысы заңсыз қозғалған. Әлі де тергеуге көңілі толмайтындар көп. Бірнеше адам басшысын жақсы жағынан сипаттаса  болды, жазадан құтылып кетеді. Үкім шығару үшін осындай дәлелдер жеткілікті ме?” – дейді ҚР Бас прокуроры Жақып Асанов.

Бас прокурор жанұялық жанжалдан соң таяқ жеген келіншектердің де мәселесін қозғады. Қазіргі заң бойынша, әйелдер күйеуінің сабап тастағанын  сот алдында өзі дәлелдеп, куәгер ретінде көршілерді шақыру керек. Полицейлер тұрмыстық зорлық-зомбылық көргендердің ісіне араласпайды. Әйеліне қол көтергендерді үш сағаттан артық ұсатуға да құқығы жоқ. Ал ашуы әлі басылмаған ер-азаматтар үйіне жеткен соң адам өлтіруге дейін барады екен. Қасымов Қылмыстық кодекстің мұндай олқылықтарына Бас прокуратураны кінәлады.

“Бас прокуратура қылмыстық істерге қатысты заңдарды шетелдерден тікелей көшірген. Заңдарымыз  көбіне Германиядан алынған. Қазір бір топ маман тағы да осы елге аттанбақ. Ал Германиядағы  құқыққорғау органдарының  жұмысы мүлдем басқа ғой. Бұлай біреудің тәртібін түгел көшіріп алуға  болмайды”, – дейді ҚР Ішкі істер министрі Қалмұханбет Қасымов.

Бірақ Қасымовтың қарамағындағыларға  адвокаттар  ренжулі. Тергеушілер қорғаушылардың дәлелін елемейді де, тіпті қылмыстық істің материалдарын түгел  көрсетпейді екен.

Ішкі істер министрі бағыныштыларын  адвокаттардан да арашалап алды. Қасымовтың айтуынша, ондаған  том  істі  тегіс қағазға басып, шығарып беруге қаржы жоқ екен. Бүгінгі депутататр мен прокурор, полицейлер арасындағы  Қылмыстық кодекс төңірегіндегі ұзақ  айтыс-тартыстан соң, екі жыл бұрын ғана қабылданған жаңа заң қайта қаралатын болды. Ал Бас прокурор мен Ішкі Істер министрі бүгін ашық тайталасқа түспегенімен, бір-бірінің қызметіне  көңілдерінің толмайтынын анық байқатты.


Жіберіп алмаңыз:

Сот студент қыздың үстінен түсірген Мұхамедиұлының шағымын қабылдаудан бас тартты

Қазақстандықтар желтоқсан айындағы мейрамдарда қалай демалады

Шымкенттік зейнеткер өз қалтасынан ел үшін 50 млрд теңге беретінін айтып Түймебаевты таңқалдырды (видео)

Жазира Байырбекова: Болашақ құдаларым кім болса да маңызды емес

Источник: Stan.kz

Если вы нашли ошибку в тексте, выделите ее мышью и нажмите Ctrl+Enter

Источник: Stan.kz

5
Комментариев

Пікір қалдыру


Анонимно
16 күні 6 сағат кері

Ұрлықты полицейлер тапқанын көрмедік.

Анонимно
18 күні 21 сағат кері

Шетелдің заңы бизге не керек

Анонимно
20 күні 13 сағат кері

Каждый урлаган заты ушин бир саусактан шабу керек.

Анонимно
20 күні 15 сағат кері

Я зан дурыс емес урлык жайында солай екинши рет усталган урыны да сот залынан босатып жибереди бул маскара гой ал уры болса кайта урлык жасап журе береди милионга дейин деген дурыс емес министрге милион акша болмаса карапайым халыкка ол коп акша 3 4 жыл жинаган мандай тер

Анонимно
19 күні 18 сағат кері

Қазақстанда заң орындалмайдыгои.орндалса ондай болмас еді.

wpDiscuz
Орташа айырбас бағамы
09.12.16
Сатып алу
Сату үшін
USD
327
329.5
EUR
370
374
RUB
5.05
5.12
Міндетті түрде оқыңыз
Соңғы жаңалықтар