Mars шоколод өнімдерінен пластик материал табылды
Mars америкалық концерні Германияға жіберілген «Марс», «Сникерс» және «Милки вей» шоколад және Celebrations конфет өнімдерін қайтарып алмақ.
Сурет www.mid-day.com сайтынан алынды
Өнімдерді қайта қайтарып алуға себеп болған нәрсе – шоколадтан пластик материал бөлігінің табылуы болып отыр. Енді Германияға соңғы төрт апта көлемінде жіберілген өнімдер қайтадан концернге келеді. Жарамсыз болып табылған тауарлардың жарамдылық мерзімі 2016 жылдың 19 маусымынан 2017 жылдың 8 қаңтарына дейін деп көрсетілген.
Компания сондай-ақ, Францияға сатылымға жіберілген тауарларды да кері қайтармақ. Бір күн бұрын компания Нидерланды, Ұлыбритания, Бельгия, Италия және Испаниядағы тауарларын сатуға шектеу қойған еді.
2016 жылдың 1 ақпанында британиялық студент Саима Ахмат Nestle компаниясынан өзін өмір бойы шоколадпен қамтамасыз етіп тұруын сұраған болатын. Ол бұл қадамға KitKat шоколады құрамынан бірде бір вафель таппағанын айтып шағымданған.