Маңғыстауда түлектер мектеп бітіру кешінен бас тартып, науқас қызға көмектесті
Маңғыстаулық мектеп бітірушілер ауыр науқасқа шалдыққан Әминаға көмек берді Маңғыстау облысының Түпқараған ауданындағы Ақшұқыр ауылындағы мектеп-лицейдің 45 түлегі ораза айында қайырымды іс жасады.
Олар мектеп бітіру кешінен бас тартып, өздері жинаған 400 мың теңге қаражатты ауыр науқасқа шалдыққан 11 жасар Әмина Тәуірбаеваға емделуі үшін тапсырды, деп жазады Егемен Қазақстан.
2015 жылы бойында қауіпті дерт бар екендігі анықталған Әмина уақыт өткізбей емделгенмен, соңғы кездері көру қабілеті күрт нашарлап кеткен. Үйінен білім алатын қызды туыстары мен ата-аналары қыркүйекке дейін Ресейге апарып, дәрігерлерге қаратып келуге бел буып отыр. Әминаның әжесі Мәрияш қайырымды жастарға ризашылығын білдіріп, үлкен өмірге басқан қадамдарына сәттілік тілесе, түлектер рамазан айында мектепті сауапты іспен аяқтағысы келетіндіктерін, мектеп бітіру кеші болмағанмен, достарымен бірге әлі талай кештердің өтетіндігіне сенімділік білдірді.
Тағы да оқыңыз:
Ауызашар берудің пайдалары мен сауабы қандай?
Мақсат Үсенов “Эйр Астана” әуе компаниясының “сұр тізіміне” енді
Қостанайда еден жуушы әйел өзін мектеп директорының зорлағанын дәлелдей алмай жүр