Stan.kz сайтын Telegram арқылы оқыңыз. Арнамызға жазылыңыз.
Маңғыстау облысында 4 жігітке оқ атып, қашып кеткен ер адам ұсталды
Маңғыстау облыстық полициясы 4 жігітке қарудан оқ атып, жарақаттаған ер адамды қолға түсірді, деп хабарлайды ведомствоның баспасөз қызметіне сілтеме жасап Stan.kz ақпарат агенттігі.
Күдікті 7 қыркүйек күні тұтқындалды.
«Аталған факті бастапқыда Маңғыстау облысы Қарақия АІІБ сотқа дейінгі тергеудің біріңғай реестрінде ҚР ҚК 293-бабы 3-тармағы 2-бөлімі бойынша тіркелді. Артынша іс ҚР ҚК 24-бабы 3-тармағы, 99-бабы 2-тармағы 1,6,9-бөлімдеріне (Екі немесе одан көп адамды бұзақылық ниетпен өлтіруге оқталу) өзгертілді.
Қазіргі уақытта аталған қылмыстық іске қатысты тергеу амалдары жүргізіліп жатыр.
Естеріңізге сала кетсек, 6 қыркүйекте Маңғыстауда үш адам оқ жарақатымен ауруханаға түскен еді. Зардап шеккендер облыстық ауруханаға Құрық ауылынан жеткізілді.
Талқылау