Соңғы ЖАҢАЛЫҚТАР
БАРЛЫҚ ЖАҢАЛЫҚТАР

Мамандар: Қазақстанда бұрын-соңды болмаған дағдарыс болады

Ел экономикасы осыдан 10 жыл бұрынғы дағдарыстан да ауыр қиындықтарға тап болуы мүмкін. Ал сол кезеңдегі ауыртпашылық биылғының қасында ойыншық болып қалады. Саясаттанушылар мен экономистер 2019 жылға осындай болжам жасап, жұрттың көңілін күпті етіп қойды.

Мамандар: Қазақстанда бұрын-соңды болмаған дағдарыс болады

Олар АҚШ-тағы қаржы-несие саясатының күшейгені әлемдегі көптеген елдерге, соның ішінде Қазақстанға да кері әсерін тигізуі ықтимал деп отыр. Ал Доңыз жылына көріпкелдер мен нумеролагтардың жорамалы қандай? Бұл туралы Еуразия бірінші арнасы хабарлайды.

«Алаңдауға негіз жоқ».  Өткен жылдың соңында Үкімет коммуналды қызметтер арзандап, жалақы өседі деп  халықты жұбатып, үміт сыйлаған еді. Бірақ, әкім-қаралардың бұл ақжолтай хабарын саясаттанушылар мен экономистердің болжамы көмескілей түскендей. Олар биыл ел экономикасын осыдан 10 жыл бұрын болған дағдарыстан да ауыр қиындықтар күтіп тұр дейді.

«Дағдарыс өте қатты болады. Өйткені, ол осыдан 10 жыл бұрынғы дағдарыс сияқты  тек қана экономикалық текетірекске, экономикалық жағдайдағы санкцияларға  ғана тіреліп қоймайды. Ол саяси мәтінге тірелейін деп тұр. Саяси бәсекеге тірелейін деп жатқан экономиикалық астар. Әлемдік дәрежедегі экономикалық саясаттағы өзінің ұстанымын қалай да басып, мойындатуға әкелейін деп тұрған дағдарыс. Сондықтан өте қатал болады» – дейді саясаттанушы Ғазизат Имақова.

Әлемдегі алпауыт экономика АҚШ санкцияларының әсерінен дамыған Еуропа елдерінің өзі ара-тұра дағдарыстың ащы дәмін татуға дағдыланып қалған. Оның салқыны Ресей мен Қытай сынды алып державаларға да ықпал етуде. Екі көршіміздегі жағдай олармен экономикасы тығыз байланысты Қазақстанды да айналып өтпеуде. Биылғы жылдың күрделі болатынын нумерологтар да растап отыр.

«Доңыз жылы қаражатқа аса мұқият болған жөн. Өйткені, экономикадағы жағдай  биыл сәл қиындау болады.  Ақшаны қарызға мүлдем  алмаған дұрыс. Ал несие дегеннен барынша қашу керек.  Тіпті, болмай жатса алған қаржыңызды міндетті түрде қайтара алсаңыз ғана, тәуекелге баруыңызға болады. Себебі,  биыл ақша мәселесі өте ауыр болмақ» – дейді нумеролог Жанар Жүсіпова.

Болашаққа жасаған болжамын білу үшін экстрасенс Бақыт Жұматоваға да жүгініп көрдік.

«Дағдарыс ақпан мен  мамыр айларының арасында айқын байқалмақ. Өйткені ол уақытта доллардың бағасы  күрт өседі. Біздің ел үшін биыл үлкен өзгерістер күтіледі. Сәуір айында экономикамызда көптеген реформалар жүзеге асады. Одан бөлек, елімізге Ресей мен АҚШ-тың да ықпалы арта түседі. Ал осы екі державалардың арасында 2024 жылы соғыс та болып қалуы мүмкін» – дейді экстрасенс Бахыт Жұматова.

Десе де халықтың мұндай болжамдарға қатысты пікірлері қақ жарылды. Қашан да келер күннен үміт күтетін жұрт Доңыз жылында қиындықтардан гөрі жақсылық көп болады деген сенімде.

«Қымбатшылық қой бәрі де, қалай болғанда да. Түзелетін шығар»
«Қабан жылы жаман болмау керек біз үшін»
«Мүмкін жақсы болатын шығар енді бұдан былай»
«Жақсы жаңалық күтеді ғой енді бәрі».

Ал нумерологтар болса, Самарқанды су алдырып, қара аспанды төндіре берудің қажеті жоқ дейді. Бәрі де адамның ерік-жігері мен алға қойған мақсаттарына байланысты дейді.

«2019 өте қиын жыл болады деп кесіп айтуға болмайды. Біреулерге бұл нағыз шарықтаудың уақыты  болса, енді басқасы үшін құлдырау кезі болуы мүмкін.  Ал жалпы алғанда, Доңыз жылында үлкен жеңістер көп болғалы тұр.  Бірақ, бір келеңсіз жағдай болғанның өзінде, одан да өзіңізге қажеттіні алып, минустан плюс қылдыруыңызға болады» – дейді нумеролог Клара Күзденбаева.

Осылайша, бюждетін мұнайдан түсетін табыспен бүтіндеп отырған біздің ел үшін биылғы жыл қалай болары белгісіз. Үкіметтегілер бағдар айқын, мақсат белгілі десе, экономистер барыша сақтыққа шақыруда. Ал бұл айтылғандардан ой түйіп, шешім қабылдау әркімнің өз еншісіндегі мәселе.

Stan.kz сайтын Telegram арқылы оқыңыз. Арнамызға жазылыңыз.

Загрузка...
Қазір оқып жатыр