Louis Vuitton бренді алматылық барахолканың үстінен шағым түсірді

Алматылық сәнқойлар арзан брендтік киімдерден қағылды. Chanel, Hermes және Louis Vuitton сынды  аттары әлемге танымал сауда маркаларының  базарларды сатылып жатқан көшірмелері тәркіленді. Осы маркаларға иелік ететін франциялық компанияның арызы бойынша сауда орындарын тексеруге шыққан Әділет басқармасындағылар небәрі 46 сөмкені саудадан алдыртып тастады. Бұл туралы КТК хабарлады.

Луи Вьютон бренді алматылық барахолканың үстінен шағым түсірді
Әлемге танымал тауарлардың көшірмелері базар мен сауда орталықтарында самсап тұр. Оларды түпнұсқадан ажырату қиын. Алайда, жасанды тауарларды жаппай тәркілеп, көзін жоюға құзырлы органдар қауқарсыз. Себебі, тексеріс жүргізу үшін бренд өкілдері шағым түсіру керек.

Франциядан жеткен арыздардың бірі бойынша бүгін әділет департаменті әйгілі Барахолка базарындағы дүкендердің біріне бас сұқты.  Тексеріс барысында кәсіпкерден жалпы соммасы 215 мың тг болатын үш танымал тауар таңбасы бейнеленген 46  сөмке тәркіленді. Түпнұсқасының бір данасы мыңдаған доллардан асатыны анық. Алайда, барлық тауарынан қағылған саудагер «неге тек менің дүкенімді тексеріп жатыр» деп аң-таң. Айтуынша, нағыз брендтік затты базардан іздеу ақымақтық.

«Барлық базардан маған ғана келді. Енді заңды болған соң қарсылық білдірмейміз. Мен келген адамға оригинал емес деп ескертем. Арзан бағада сатамын»,-деді кәсіпкер Мерейгүл Жұмахан.

2017 жылдың өзінде 3 миллионнан астам жалған өнім тәркіленіпті. Дегенмен, Gucci, Dolce&Gabbana, Chanel, Hermes және өзге әлемдік брендтердің атын жамылып тігілген киімдер мен тұрмыстық заттарды саудагерлер көрші елдерден тасымалдайды. Кейін қолжетімді бағаға сатады.

«Танымал маркалардың  белгісімен тауар щығару үшін сол компаниядан рұқсат қағазын алу керек. Бұл тәртіпке бағынбаған шағын және орта бизнес өкілдері 40,ірі кәсіпкерлер 50 айлық есептік көрсеткіш мөлшерінде айыппұл төлейді. Барлық құзырлы органдар бірігіп, бұл мәселені шешу керек.Себебі, олар еліміздің тауар айналымына зиян келтіреді»,-дейді Алматы қаласы әділет департаментінің бөлім басшысы Бақытжан Құлантаев.

Билік өкілдері сырттан келетін жалған өнімді бақылауға қауқарсыз екендерін жасырмады. Жыл басынан бері арыз-шағым бойынша жұмыс істеген олар базарларды тексеруге шамалары жетіп, екі кәсіпкерге 500 мың көлемінде айыппұл салған.

Тағы да оқыңыз:

Қай қазақстандық өндірушілердің тауықтары қауіпті деп танылды

Ақтөбеде жалғызбасты әке аналары тастап кеткен екі баласын «шариғат бойынша қатаң» тәрбиелеймін дейді

Қыздарымен шетелге қонаққа кеткен қазақстандық әйелді иорданиялық азаматпен некелестіріп, елге жібермей отыр

Түркістан тұрғыны үйінде 200 жылан мен 15 кірпі асырайды

Источник: Stan.kz

Если вы нашли ошибку в тексте, выделите ее мышью и нажмите Ctrl+Enter © stan.kz

Источник: Stan.kz

Загрузка...
Орташа айырбас бағамы
22.10.18
Сатып алу
Сату үшін
USD
327
329.5
EUR
370
374
RUB
5.05
5.12
Соңғы жаңалықтар