Қазақтың қолөнерін насихаттаймыз деп жүріп мазаққа қалдық деп күйініп отыр олар. Өйткені, уәде етілген үш мезгіл тамақ пен ақша мәселесі облыс әкімі кете салысымен жайына қалған көрінеді.

«ЭКСПО-2017» көрмесіне арналған мына этноауылдың ашылғанына көп те болған жоқ. Өңірдің ең үздік шеберлерін жинап, туристерге қазақтың қолөнерін насихаттау мақсатында бой көтерген көрменің ашылуына облыс әкімнің өзі келіп қатысқан. Қызықтың бәрі шенділер кеткен соң басталыпты.

“Барлығы синтетика, сонда ұлттық қолөнерді дамытқанымыз қайда. Дәріптегеніміз қайда.. Барлығы көз бояушылық. Қолөнершілер қорыққаннан отыр. Әкімнің айтқанымен келген”, – дейді Қазақстан қолөнершілер одағының Қызылордадағы өкілі Қарлығаш Ілиясова.

Қытайдың тауарын қолөнер деп көрсетіп отырған шеберлерді әкімдік тамақпен қамтамасыз етуі керек болған екен. Ол сөз жүзінде қалыпты. Тіпті, дәретті де көрінген жерде сындырып жүрміз деп ашынды шеберлер.

“Көрме өткізді ешқандай көрме сияқты емес. Арал, Шиеліден келген қолөнер шеберлері беймаза болып кетті. Келдік көрме жасадық ешкім көрген жоқ. Ешкім рахмет айтқан жоқ, қорытынды жасаған жоқ”, – дейді шебер Зухра Баймырзаева.

Ұйымдастыру деңгейінің төмендігін әкімдік өкілдері де мойындап отыр. Дегенмен олқылықтарды реттейміз деп сендіруде. Ал жалпы шараны өткізуге қазынадан 62 млн теңге бөлінген екен.

“Биотуалеттер техникалық ақауларға байланысты кішкене кешіктірілді. Қазіргі таңда жолда. Ертең толық орналастырамыз. 16/48 Қазір көрсеңіз қолөнершілерді. Ешқандай шағым жоқ. Бәрі тату-тәтті жұмыс істеп жатыр”, – дейді жоба жетекшісі Ернар Мүбарак.

Шеберлермен арадағы келісім бойынша олар этноауылда үш ай жатып қазақтың қолөнерін насихаттауы тиіс болған. Алайда, үш мезгіл тамақ пен уәде етілген 60 мың теңге айлықтан күдер үзгендер енді мұнда бір күнде тұрмаймыз деп отыр.

Тағы да оқыңыз:

Қызылордалық кәсіпкер көпбалалы анаға үш бөлмелі пәтер сыйлады

Талқылау