Қызылордада екi оқушының жыныс мүшесiн ұстап азғындық жасады деп айыпталған 55 жастағы мұғалiм сотталды

Бейсенбі, 2 Қараша , 2017 8:10

Қызылорда маңындағы Белкөл кентінде математика пәнінің мұғалімі он жылға бас бостандығынан айырылды.

Мектептегі даулы оқиға туралы бұған дейін хабарлаған едік. 6-сыныпта оқитын екі қыздың анасы “қыз балаларға азғындық жасамақ болды” деп мұғалімнің үстінен арызданған, деп хабарлайды Астана арнасы.

Бірақ оқушылардың бірі тергеу барысында куәлік етуден бас тартады. Адвокаттың айтуынша, сот бұл жағдайды да, өзге оқушылардың куәлігін де назарға алмаған. Үкім әлі заңды күшіне енген жоқ. Ал тұрғындар ұстазға араша түсу үшін жоғары жаққа шағымданбақ. Соңғы жарты жылда Белкөл ауылынан береке қашты. Математика пәнінің мұғалімі Әкпар Исахаев сәуір айында тұтқындалған. Оның тағдырына алаңдаған халық “сот әділ үкім шығарар” деп күткен еді. “Он жылға кесілді” дегенді естіген ауылдықтар тіпті есеңгіреп қалды.

“Ұстаздың алдынан кесіп өтпейтін едік. Мынау не деген сұмдық? Білімді мұғалімді біз шеттетіп жатырмыз қазір. Жоғарғы сот әділдікпен қарасын дейміз”, – дейді ата-ана Бақтыгүл Бегайдарова.

11 жастағы оқушы қыз “ұстаз сабақ үстінде денеме қол жүгіртті” деп шағымданған. Алайда сыныптағы өзге 24 бала мұғалімнің ерсі қылығын байқамаған. Қорғаушы мұны сотта дәлелдеуге тырысқанымен, нәтиже болмады. Мұғалімге “кәмелетке толмаған балаға азғындық әрекет жасады” деген баппен айып тағылды.

Сот шешімі бір ғана жәбірленуші қыздың куәлігімен және сол қыз балаға жүргізілген сот-психологиялық, сот-криминалистикалық сараптамалар негізінде қабылданды. Оқушылар қыз баланың сөзің жоққа шығарған. Математика сабағына бірнеше рет қатысқан сынып жетекшісі де куәлік берген, бірақ бұлардың ешбірін сот назарға алмады”, – дейді адвокат Жасұлан Таңатаров.

Мұғалімдер “мұндай күн ертең кез келгеніміздің басымызға келе ме” деп қауіптенеді.  Ұстаздың мәртебесі мүлде төмендеп бара жатқанына қынжылған олар мамандықтарын ауыстыруға әзір.

“Кез келген бала мұғалімге жала жаба берсе, үйіне барып ата-анасына өзінің жалобасын айта берсе, сонда не болғаны? Мұғалім сонда кінәлі болып кете бергені ме? Әділдік керек ағай жөнінде”, – дейді № 189 орта мектептің мұғалімі Гүлнар Оразбаева.

“Бұл қоғамның азғындалуы – деградация ма әлде бізге келешек жастар керек емес пе?  Бұл жаланың негізі ойластырылған ба әлде білмей істелген бе – оны мен де түсіне алмаймын. Бірақ енді солай кете бреуі керек пе? 55-тегі жігіт он жылдан кейін не болады деп ойлайсыздар? Мұғалімдердің мәртебесін көтеру үшін қоғам болып көтерілу керек”, – дейді Белкөл кентінің тұрғыны Советбек Маханов.

Тұрғындардың пайымынша, айыптау үкімі негізсіз дәлелдемелерге құрылған. Әкпар Исахаевқа араша түсуді көздеген белкөлдіктер Жоғарғы сотқа және Бас прокуратураға  арыздануға бел буып отыр.

Тағы да оқыңыз:

Діни басқарма Алматы облысында жиырма жыл бұрын ислам дінін қабылдаған 82 жастағы әжейге үй сыйлады

БҚО-да жұмысшыларын балағаттаған ауыл әкімі қызметінен кетті

Алматылық дәрігерлер сүт қоспасының сәби өміріне қауіп төндіретінін айтып дабыл қақты

Источник: Stan.kz

Если вы нашли ошибку в тексте, выделите ее мышью и нажмите Ctrl+Enter

Источник: Stan.kz

5
Комментариев
  • Anonymous says:

    Осындай қыздардан ертең арсыз қатын шығады.байы мен ата енесін соттататын

  • Anonymous says:

    Бұл жала. Баста екі қыз жала жапса. Бірі кейін бас тартқан. Содан ақ жала жабылғаны белгілой. Қəзір əділдік жоқ.

  • Anonymous says:

    Сумдык адилдик жок мунда. Жала гой мынау. Накты айгак болмаса калай 10 жылга кесип отыр сот. Бул жерде бир шикилик бар

  • Anonymous says:

    Иə,” бала емес- бəле “дейтін еді бұрынғылар. Мүмкін емес. Сыныптағы оқушылар қалай көрмейді.Біреуге жақпай қалған шығар ол мұғалім. Бүлінген ештеңе жоқ. Он жылы несі? Сот та біреуге олай,біреуге былай үкім шығарады екен ау…

  • Anonymous says:

    Мұғалім кінәсіз деп ойлаймын. Обал-ай

Leave a Reply

Your email address will not be published.

Орташа айырбас бағамы
12.12.17
Сатып алу
Сату үшін
USD
327
329.5
EUR
370
374
RUB
5.05
5.12
Міндетті түрде оқыңыз
Соңғы жаңалықтар