Қытайда 23 жастағы қазақстандық қыз көз жұмды
Қытайдың Гуанчжоу қаласында 23 жастағы Қазақстан азаматшасы мерт болды. Бұл жайлы марқұмның Алматыдағы досы айтып берді, деп жазады Tengrinews.kz.
Қайғылы оқиға 20-нан 21-не қараған түні болды.
“Балалар “Динараға көмек” деп конференция ашты. Ол қалада оқып, кейін жұмыс істеді. Қазақстанға келіп тұрды. Онымен бірге Қазбек деген жігіт тұрды. Оған хабарласа алмай отырмыз. Ол полицияға жауап беріп жатқан болар. Бізде ешқандай ақпарат жоқ. Бір білетініміз Динара түнде ұйқыға жатып, таңертең оянбаған”,- дейді марқұмның алматылық досы.
Айтуынша, Динараның достары қаралы отбасына көмек ретінде ақша жинап жатыр. Туыстарының байланыс нөмірін әлі таппаған.
Қазақстанның сыртқы істер министрлігі оқиғаны растады.
“Қазір елшілік мәйітті Қазақстанға әкелу жұмыстары мен тиісті құжаттарын реттеп жатыр”, – дейді СІМ баспасөз жетекшісі Айбек Смадияров.
Stan.kz сайтын Telegram арқылы оқыңыз. Арнамызға жазылыңыз.