Қостанайда полицей өзіне қол жұмсамақ болған баланы құтқарды
Қостанайлық полиция старшинасы Қайрат Жүкенов өзіне қол салмақ болған бозбаланы құтқарып қалды хабарлайды облыстық ІІД баспасөз қызметі.
Жедел тергеу тобында жүрген Қайрат Жүкенов суицид жасаған 17 жасар бозбалаға көмек керектігі туралы хабарлама алады.
Оқиға Дзержинский көшесіндегі пәтерде болған.
«Полицейлер пәтердің бесінші қабатында сіңірі тартылып жатқан жас жігітті көреді. Олар лезде қимылдап, бозбаланы таза ауаға алып шыққан. Қайрат Жүкенов алғашқы медициналық көмек көрсетіп, дем алуына көмектесті. Сол уақытта жедел жәрдем қызметі де келген. Тәртіп сақшылары ауруханаға еріп барды. Дәрігерлердің айтуынша, егер полицейлер болмағанда, жас жігіттің аман қалуы екіталай еді», – деді ІІД баспасөз хатшысы Ирина Беженарь.
Екі күн өткен соң Қайрат Жүкенов өзіне қол салмақ болған бозбаламен кездесті. Ол өз қателігін түсінгенін айтқан. Өз кезегінде жәбірленушінің анасы полицейге ризашылығын білдіріп, алғыс хат берді.
Оқи отырыңыз:
Қытай елшісі қысым көрген қазақтар жайында: Біздің ішкі жұмысымызға араласпауды сұраймыз
Құл-Мұхаммед: “Нұр Отанның” қатарына абырой әкелетін, беделді азаматтар ғана қабылданады
«Ағайынды төртеу» лақап атымен белгілі Еркін Ізбасардың бір жыл бойы жуынбағаны айтылды