Соңғы жаңалықтар
Соңғы жаңалықтар

Қостанай тұрғындары таныс әйелді жәбірлеген жігіттің мойнын үзген

Қостанай облысында таныс әйелді жәбірлеген ер адамның мойнын үзіп өлтірген екі азаматқа қатысты іс сотта қаралады, деп хабарлады өңірлік соттың баспасөз қызметі.

1131484

Боровское ауылында тұратын әйел екі жыл бір ер адаммен бірге тұрған, алайда екеуі ренжісіп, ақыры айырылысып тынады. Көп ұзамай ол басқа ер адаммен тұра бастаған. Бірақ бұрынғы жігіті әйелдің қыр соңынан қалмай, ол полицияға жігіттің соққыға алғандығы туралы арыз беруге мәжбүр болған.

Биыл ақпан айында әйелдің бұрынғы жігіті үйіне келіп, полицияға арыз бергені үшін өшін алуға бекінеді. Үрейі ұшқан ауыл тұрғыны әпкесін шақырып, ол күйеуі мен танысын ертіп келеді.

18 ақпанда әйелдің үйінде оның қазір бірге тұратын жігіті, әпкесі, әпкесінің күйеуі мен әпкесінің танысы болады. Олар қайткен күнде де үй иесін қорғаймыз деп уәде береді.

Бір кезде үйге бұрынғы жігіті келіп, әңгіменің ақыры жанжалға ұласады. Көмекке әпкесі ұмтылады, бірақ ер адам оны итеріп жібергенде, әйел құлап, қабырғасын сындырған. Жанжалқой үй иесін жерге жатқызып, сабай бастайды.

Үйдегі ер адамдар жанжалқойға көсеу мен күрек ұстап тап береді де, итеріп көлікке мінгізеді. Жолда оны пышақпен тілгілеп, ақыры мойнын үзіп, өлтірген. Қылмыстың ізін жасыру мақсатында, мәйітті жолда көміп, үстін қармен үйіп тастаған.

Қылмыстық іс Қостанай облысы қылмыстық істер бойынша мамандандырылған ауданаралық сотта қаралады. Сотталушылар: әйелдің бірге тұратын жігіті мен әпкесінің күйеуі. Екеуі де бұрын сотталған.

Оқи отырыңыз:

Оңтүстік Қазақстанда үйлену тойында атыс болып екі адам жараланды

Қостанайда көлік қаққан жас қыздың денесі бөлшектеніп кеткен

Алматыда 77 жастағы қария шұңқырға құлап, мерт болды

Қарағандыда үш баланың анасы түрмедегі көңілдесі үшін өз күйеуін өлтіруге тапсырыс берген

Талқылау