Көлігін тұраққа қоймақ болған әйел онымен Ferrari-дің үстіне шығып кетті (видео)

Американың Виргиния штатының солтүстігіндегі Грейт-Фолс қаласында бір әйел өзінің ескілеу Mercedes-Benz 380SL автокөлігін шамамен 300 мың доллар тұратын Ferrari 458 Speciale-дің үстіне қойған деп жазады UPI.

Оқиға Katie’s Cars & Coffee дәмханасының алдында орын алған. Ferrari-дің үстіне «мініп алған» Mercedes-тің қайта түсу әрекетін оқиға куәгерлері қызықтап фото мен видеоға түсірген.
Оқиғаның ең қызық жері – Ferrari-дің иесі келген кез. Қатты таңырқаған ол кінәлілерге қарап: «Сұмдық! Өмірімде көрген ең ақымақ нәрсе осы шығар…» – депті.
Оқиға салдарынан, автокөліктің бампері мен капоты аздап зақымданған. Тәртіп бұзушының қандай көлемде өтемақы төлейтіні әзірге белгісіз.