Көкпар ойыны кезінде серкені лақтырмақ болған америкалық ойыншылар тайқазанның ішіне құлап кетті (видео)

Қазақстандық көкпаршылар Көшпенділердің дүниежүзілік ойындарында АҚШ құрамасын ойсырата жеңді. Ойын кезінде түрлі қызықты жағдай орын алды.

Сурет: Sputnik/Эмиль Садыров

Бұл туралы Sputnik Қырғызстанға сілтеме жасап Stan.kz хабарлайды.

Қос құрама арасындағы  ойын 20:9 есебімен қазақстандықтардың пайдасына аяқталды. Америкалықтар үшін серкені қолға түсіру оңай болмады.

Көрермендер америкалық ойыншыларға қолдау білдіргенімен, ұпай жинауға тырысқан америкалықтар тайқазанның ішіне құлап жатқанда, күлкісін тыя алмады.

Ковбойлар үшін Орта Азия халықтарының ұлттық ойыны таңсық дүние емес.

Олар бұл ойын түрінде алғаш рет 2 жыл бұрын Қырғызстанда өткен Көшпенділер ойындарында бақ сынап көрген еді. былтырғы жылы атлеттер Қазақстанға әлем біріншілігіне келгенімен, ат үстіндегі тәжрибелі жігіттерден айласын асыра алмады.

Көшпенділер ойындарында көкпар ойыны үшін тігілген сыйлық қоры шамамен 90 мың долларды (33 миллион теңгеден аса) құрайды.

Айта кетсек, Көшпенділердің дүниежүзілік ойындары Қырғызстанда 2 қыркүйекте басталған еді.