Қызылорда облысында жоғары шенді полицей мүгедек кәсіпкерден пара алған сәтінде ұсталды
Ұлттық қауіпсіздік комитетінің қызметкерлері букмекерлік кеңсе ашқан кәсіпкерден заңсыз сыйақы алған Қызылорда облысының полиция бөлімі бастығының орынбасары мен оның бағыныштысын қылмыс үстінде ұстады, деп жазады Stan.kz ҰҚК-нің баспасөз қызметіне сілтеме жасап.
Ұлттық қауіпсіздік комитетінің жедел қызметкерлері Қызылорда облысы ІІД бастығының бірінші орынбасары мен ұйымдасқан қылмысқа қарсы күрес басқармасының қызметкерін қамауға алды. Олардың букмекерлік кеңседегі тексеруді тоқтату үшін мүгедек кәсіпкерден заңсыз, ақшалай өтемақы алғаны анықталды. Күдіктілер 300 мың теңгені қолма-қол алайын деп тұрған сәтінде ұсталды.
ҰҚК-нің есебінде қылмыскерлердің әрекетін әшкереу операциясына Ішкі істер министрлігінің Ішкі қауіпсіздік басқармасының қызметкерлері қатысты делінген.
Аталған бөлімнің қызметкерлері қылмысты әшкерелеуге белсенді түрде көмектескен.
"Түрмеде отырған баламды тағы 9 жылға соттап жіберді": Түркістандық ата-ана баласына жазықсыз жала жабылғанын айтып, Тоқаевтан араша сұрады
Адвокат мән-жайды айтып берді
Жаңа үйленсе де өзге қыздарға жазады: Қазақстандық психолог неліктен ерлердің опасыздыққа баратынын айтты
Желі қолданушысы: "Бір ғана әйелмен ол қызықсыз. Басқасын да көргің келеді"