«Суық антициклон тарамдары Қазақстанның солтүстік өңірлеріне таралуда. Бұл түнгі температураның төмендеуіне алып келуде. Таяу екі тәулікте бұл облыстарда суық антициклон ықпалы сақталады. Республиканың оңтүстік, оңтүстік-шығыс, шығыс облыстары арктикалық суық ағын ықпалында қалады. Бұл жерде ауа нормаға жуық және нормадан жоғары болады деп күтілуде. Қазақстанның батысында жер-жерлерде өткінші жауын жауып, күн күркіреп, температура көтеріледі.

Егер өткен тәулікте күндізгі температурасы + 13…20ºС болса, алдағы үш тәулікте + 22…30ºС-қа дейін көтеріледі», – делінген хабарламада.

Астанада 18 мамырда күн ала бұлтты, жауын-шашынсыз. Жел солтүстік-шығыстан соғады – 7-12 м/с. Түнде температура -1-3°С, күндіз +15+17°С. 19 мамырда көшпелі бұлт шығады, жауын-шашынсыз. Жел оңтүстік-шығыстан соғады – 5-10 м/с. Түнгі температура -1-3°С, күндіз +17+19°С.

20 мамырда көшпелі бұлт шығады, жауын-шашынсыз. Жел оңтүстік-шығыстан – 5-10 м/с. Түнде температура +3+5°С, күндіз +19+21°С болады.

Алматыда 18 мамырда көшпелі бұлт шығады, өткінші жауын жауып, күн күркірейді. Жел екпіні 10 м/с-қа жетеді. Түнде температура +14+16°С, күндіз +21+23°С.

19 мамырда көшпелі бұлт шығып, өткінші жауын жауады. Күн күркірейді. Желдің жылдамдығы – 0-5 м/с. Түнгі температура +9+11°С, күндіз +21+23°С. 20 мамырда ауыспалы бұлт шығады, жауын-шашынсыз. Желдің жылдамдығы 0-5 м/с. Түнде +8+10°С, күндіз +23+25°С болады.

Талқылау