Қазақстандықтар күзден бастап Араб Әмірлігіне визасыз бара алады

Қазақстандықтар күзден бастап Біріккен Араб Әмірліктеріне визасыз кіру мүмкіндігіне ие болады. Бұл туралы ҚР СІМ баспасөз қызметінің жетекшісі Әнуар Жайнақов Facebook-тегі парақшасында жазды.

«Қазақстандықтар осы жылдың қазан-қараша айларынан бастап Бірікен Араб Әмірліктеріне визасыз режімде бару мүмкіндігіне ие болуы мүмкін. Бұл туралы Қазақстан елшісіне БАӘ сыртқы істер министрлігі консулдық қызметінің жетекшісі Ясер аш-Шамали айтып берді», – деп жазды Әнуар Жайнақов.

Баспасөз қызметінің хабарлауынша, қазақстандық тарап екі ел халқы үшін 30 күнге дейін визадан босату туралы құжаттарды дайындап қойды. Бұл туралы Қазақстанның БАӘ-дегі елшісі Қайрат Лама Шариф БАӘ сыртқы істер министрлігі консулдық қызметінің жетекшісі Ясер аш-Шамалимен кездесу барысында айтты. Өз кезегінде Ясер аш-Шимали екіжақты қол қойылған құжаттың күшіне енуіне аз уақыт қалғанын мәлімдеді. Қаулыны мемлекет мақұлдағаннан кейін 2017 жылдың қыркүйегінде  Әмірліктің барлық мемлекеттік мекемелері, сондай-ақ, Абу-Даби мен Дубайдың халықаралық әуежайлары ішкі ережелеріне өзгерістер енгізеді.

Жіберіп алмаңыз:

1 ай бұрын жоғалып кеткен семейлік қыз Алматыдан табылды

Әйелін 22 жерінен пышақтап өлтірген азамат сот залында жылап жіберді

Асылжан Жампозов әкесінің өлер алдында не жазып кеткенін айтты

Алматы облысында ұшақ апатынан қаза тапқан пилоттың есімі белгілі болды